For Quick Alerts
    ALLOW NOTIFICATIONS  
    For Daily Alerts

    ’வெண்ணிலா கபடி குழு’ ஹரி வைரவன் மறைவு.. ரொம்ப வேதனையா இருக்கு.. இயக்குநர் சுசீந்திரன் வருத்தம்!

    |

    சென்னை: இயக்குநர் சுசீந்திரன் இயக்கத்தில் கடந்த 2009ம் ஆண்டு வெளியான வெண்ணிலா கபடி குழு படத்தின் மூலம் பிரபலமான நடிகர் ஹரி வைரவன் இன்று உடல்நலக்குறைவு காரணமாக காலமானார். அவருக்கு வயது 38.

    சிறுநீரகம் செயலிழந்து விட்ட நிலையில், அதற்கான சிகிச்சை பெற்று வந்த ஹரி வைரவன் இன்று அதிகாலை 12.15 மணிக்கு உயிரிழந்த செய்தி திரையுலகினரை அதிர்ச்சியில் ஆழ்த்தியது.

    நடிகர் விஷ்ணு விஷாலை தொடர்ந்து இயக்குநர் சுசீந்திரன் ஆழ்ந்த இரங்கலை தெரிவித்து வீடியோவும் வெளியிட்டுள்ளார்.

    படப்பிடிப்பில் கலந்துக்கொள்கிறார் பாரதிராஜா.. இயக்குநர் சுசீந்திரன் மகிழ்ச்சி தகவல்! படப்பிடிப்பில் கலந்துக்கொள்கிறார் பாரதிராஜா.. இயக்குநர் சுசீந்திரன் மகிழ்ச்சி தகவல்!

    ஹரி வைரவன் நடித்த படங்கள்

    ஹரி வைரவன் நடித்த படங்கள்

    காமெடி நடிகராகவும், துணை நடிகராகவும் சுசீந்திரன் இயக்கத்தில் பல படங்களில் நடித்துள்ள ஹரி வைரவன் உடல்நலக் குறைவு காரணமாக இன்று காலமானார். அவரது மறைவுக்கு திரையுலகினர் மற்றும்ர் அசிகர்கள் அஞ்சலி செலுத்தி வருகின்றனர். வெண்ணிலா கபடி குழு, நான் மகான் அல்ல, பாண்டியநாடு, குள்ளநரிக் கூட்டம் உள்ளிட்ட சில படங்களில் இவர் நடித்துள்ளார்.

    38 வயதில் மரணம்

    38 வயதில் மரணம்

    80 வயதை கடந்து வரவேண்டிய மரணமெல்லாம் மாறி வரும் வாழ்க்கை முறை மாற்றங்கள் காரணமாக சீக்கிரமாகவே உடல்நலக் கோளாறு ஏற்பட்டு அதிவிரைவாக முடிந்து வருவது பலரையும் சோகத்தில் ஆழ்த்தி உள்ளது. விவேக், புனீத் ராஜ்குமார், கே.வி. ஆனந்த் உள்ளிட்ட பல பிரபலங்கள், சமீப காலமாக உடல்நலக் குறைவு காரணமாக உயிரிழந்த நிலையில், நடிகர் ஹரி வைரவனும் வெறும் 38 வயதிலேயே உயிரிழந்தது பெரும் எச்சரிக்கை மணியாகவே மாறி உள்ளது.

    ஆட்டிப்படைத்த வறுமை

    ஆட்டிப்படைத்த வறுமை

    உடல்நலக் குறைவு ஏற்பட்ட நிலையில், உரிய சிகிச்சை எடுத்துக் கொள்ள பணம் கூட இல்லாமல் ஓட்டு வீட்டில் மனைவி மற்றும் மகளுடன் வறுமையில் வாடி வந்த ஹரி வைரவனுக்கு விஜய்சேதுபதி, விஷ்ணு விஷால், சூரி உள்ளிட்ட நடிகர்கள் கடைசி நேரத்தில் அவர் வீடியோ வெளியிட்டு உதவி கேட்ட பிறகு தான் ஓடி வந்து உதவி செய்தனர். ஆனால், சிகிச்சைக்கு பிறகு குணமாகி விடுவார் என அவரது மனைவி ரொம்பவே நம்பிக்கை வைத்த நிலையில், பரிதாபமாக உயிரிழந்து விட்டார்.

    சுசீந்திரன் இரங்கல் வீடியோ

    சுசீந்திரன் இரங்கல் வீடியோ

    விஷ்ணு விஷால், அம்பானி சங்கர் உள்ளிட்ட சினிமா நடிகர்கள் ஹரி வைரவனின் மறைவுக்கு இரங்கல் தெரிவித்து வந்த நிலையில், வெண்ணிலா கபடி குழு, நான் மகான் அல்ல, பாண்டியநாடு உள்ளிட்ட படங்களில் ஹரி வைரவனை நடிக்க வைத்த இயக்குநர் சுசீந்திரன் தற்போது வீடியோ வெளியிட்டு தனது ஆழ்ந்த இரங்கலை தெரிவித்துள்ளார். அதில், வெண்ணிலா கபடி குழு படத்தில் நடித்த வைரவன் காலமானார் என்கிற செய்தி மிகுந்த அதிர்ச்சியையும் வேதனையும் அளிக்கிறது. அவரை பிரிந்து வாடும் குடும்பத்தினருக்கு ஆழ்ந்த இரங்கல் என தெரிவித்துள்ளார்.

    English summary
    Director Suseenthiran shares a condolence video for Vennila Kabadi Kuzhu actor Hari Vairavan demise. Vishnu Vishal and Ambani Shankar and other Kollywood celebs mourns for his early demise.
    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X