கண்ணும் கண்ணும் கொள்ளையடித்தால் என்னவாகும்... இப்படித்தான் ஆகும்!

நயன்தாரா -விக்னேஷ் சிவன் ஜோடி

நயன்தாரா மற்றும் விக்னேஷ் சிவன் இருவரும் கடந்த 7 ஆண்டுகளாக காதலித்து தற்போது திருமணம் செய்துக் கொண்டுள்ளனர். கடந்த மாதம் 9ம் தேதி இவர்களது திருமணம் மகாபலிபுரம் ரெசார்ட்டில் திரையுலகினர் புடைசூழ சிறப்பாக நடந்து முடிந்துள்ளது. இதையடுத்து திருப்பதி விசிட், செய்தியாளர்கள் சந்திப்பு, கொச்சியில் நயன்தாரா அம்மா வீட்டு பயணம் என இந்த ஜோடி பிசியாக காணப்பட்டது.

தாய்லாந்து ஹனிமூன்

தொடர்ந்து தாய்லாந்தில் ஹனிமூன் ட்ரிப்பையும் முடித்துக் கொண்டு இருவரும் நாடு திரும்பினர். ஹனிமூன் ட்ரிப்பின்போது இருவரும் எடுத்துக் கொண்ட புகைப்படங்களை விக்னேஷ் சிவன் சமூக வலைதளங்களில் பதிவிட்ட நிலையில், அந்தப் புகைப்படங்கள், வீடியோக்கள் வைரலானது.

சூட்டிங்கில் பிசி

தற்போது நாடு திரும்பியுள்ள இந்த ஜோடி அவரவர் வேலைகளில் பிசியாகியுள்ளனர். நயன்தாரா ஷாருக்குடனான ஜவான் படத்தில் தற்போது இணைந்துள்ளார். கடந்த ஞாயிற்றுக்கிழமையே இந்தப் படத்தின் சூட்டிங் நடத்தப்பட்டது. ஷாருக்குடனான காம்பினேஷன் காட்சிகளை அட்லி எடுத்து வருகிறார்.

புதிய படத்தில் விக்னேஷ் சிவன்?

இதனிடையே விக்னேஷ் சிவனும் ஏகே 62 படத்தின் முன்தயாரிப்பு பணிகளில் தீவிரமாக ஈடுபட்டுள்ளார். இந்தப் படத்தின் சூட்டிங் இந்த ஆண்டு இறுதியில் திட்டமிடப்பட்டுள்ள நிலையில், அதற்கு முன்னதாக விக்னேஷ் சிவன் மற்றொரு படத்தை இயக்கவுள்ளதாகவும் தகவல்கள் தெரிவிக்கின்றன.

புதிய புகைப்படங்கள் வெளியீடு

இந்நிலையில் இன்றைய தினம் விக்னேஷ் சிவன் தன்னுடைய இன்ஸ்டாகிராமில் இருவரும் இணைந்துள்ள புகைப்படங்களை வெளியிட்டுள்ளார். அதில் இருவரும் மிகவும் ரொமாண்டிக்காக போஸ் கொடுத்துள்ளனர். இருவரின் கெமிஸ்ட்ரி மிகவும் அழகாக இந்தப் புகைப்படங்களில் காணப்படுகிறது.

கண்ணும் கண்ணும் கொள்ளையடித்தால்

கண்ணும் கண்ணும் கொள்ளையடித்தால் ரேஞ்சுக்கு இந்தப் புகைப்படங்கள் காணப்படுகின்றன. இந்தப் புகைப்படங்களுக்கு ஏராளமான ரசிகர்கள் லைக்ஸ்களை கொடுத்து வருகின்றனர். இதனிடையே, ஜவான் படத்தை தொடர்ந்து ஏகே 62 படத்திலும் நயன்தாரா இணையவுள்ளதாக கூறப்படுகிறது.

இன்ஸ்டாகிராமில் ஆக்டிவ்

விக்னேஷ் சிவன் தன்னுடைய இன்ஸ்டாகிராமில் எப்போதுமே சிறப்பாக செயல்பட்டு வருகிறார். இவரது படங்கள் குறித்த அப்டேட்கள், நயன்தாராவுடன் புகைப்படம் வீடியோ வெளியீடு என தொடர்ந்து ஆக்டிவாக காணப்படுகிறார். குறிப்பாக நயன்தாராவுடனான இவரது பகிர்வுகள் தொடர்ந்து ரசிகர்களின் விருப்பத்திற்குரியவையாக காணப்படுகின்றன.