Eye to Eye லுக்.. க்யூட்டா ஒரு சிரிப்பு.. விவாகரத்து அப்பறமும் ஜி.வி. - சைந்தவி அசத்துறாங்களே..

Published: Sunday, July 13, 2025, 19:52 [IST]

ஜி.வி. பிரகாஷ் குமார் மற்றும் சைந்தவி ஆகியோர் தமிழ் திரையுலகில் பிரபலமான இசைக் கலைஞர்கள் ஆவர். இவர்கள் இருவரும் பள்ளி நாட்களில் இருந்து நண்பர்களாக இருந்து, பின்னர் காதல் உறவில் ஈடுபட்டு, 2013 ஆம் ஆண்டு ஜூன் 27 அன்று சென்னையில் நடைபெற்ற பிரம்மாண்டமான திருமண விழாவில் திருமணம் செய்து கொண்டனர். இவர்களது திருமணம் காதல் திருமணமாகவும், திரைத்துறையில் பல பிரபலங்கள் கலந்து கொண்ட ஒரு முக்கிய நிகழ்வாகவும் இருந்தது.

இவர்களுக்கு 2020 ஆம் ஆண்டு அன்வி என்ற பெண் குழந்தை பிறந்தது.ஆனால், 2024 ஆம் ஆண்டு மே 13 அன்று, ஜி.வி. பிரகாஷ் குமார் மற்றும் சைந்தவி ஆகியோர் தங்கள் 11 ஆண்டு திருமண வாழ்க்கையை முடித்துக் கொள்வதாக சமூக வலைதளங்களில் ஒரே மாதிரியான அறிவிப்பை வெளியிட்டனர். இவர்களது பிரிவு மன அமைதி மற்றும் மேம்பாட்டிற்காக எடுக்கப்பட்ட பரஸ்பர முடிவு என்று குறிப்பிட்டனர். இந்த அறிவிப்பு ரசிகர்களுக்கு அதிர்ச்சியை ஏற்படுத்தியது, மேலும் சமூக வலைதளங்களில் பல வதந்திகள் பரவின. சைந்தவி, தங்கள் பிரிவிற்கு எந்த ஒரு வெளிப்புற தலையீடும் காரணம் இல்லை என்று தெளிவுபடுத்தினார்.

மேலும் தவறான வதந்திகளைப் பரப்புவதற்கு எதிராகவும் குரல் கொடுத்தார்.2025 மார்ச் 24 அன்று, சென்னை குடும்ப நல நீதிமன்றத்தில் இருவரும் நேரில் ஆஜராகி, பரஸ்பர விவாகரத்து மனுவை தாக்கல் செய்தனர். விசாரணையின் போது, அவர்கள் மனமுவந்து பிரிவதாக உறுதிப்படுத்தினர், மேலும் வழக்கு மேலதிக விசாரணைக்காக ஒத்திவைக்கப்பட்டது. பிரிவுக்குப் பிறகும், இருவரும் தொழிலில் ஒருவரை ஒருவர் மதித்து, இணைந்து பணியாற்றி வருகின்றனர். உதாரணமாக, 2024 டிசம்பரில் மலேசியாவில் நடந்த ஜி.வி. பிரகாஷின் இசை நிகழ்ச்சியில் சைந்தவி பாடிய வீடியோக்கள் வைரலாகின.

மரியாதை: ஜி.வி. பிரகாஷ் குமார், தனது முன்னாள் மனைவி சைந்தவியுடன் இணைந்து பணியாற்றுவது குறித்து, "நாங்கள் இருவரும் தொழிலில் இணைந்து பணியாற்றுவதில் எந்த சிக்கலும் இல்லை, ஒருவரையொருவர் மதிக்கிறோம், அதனால் இணைந்து பணியாற்ற முடிகிறது" என்று ஒரு பேட்டியில் கூறினார். இவர்களது பிரிவு இருந்தபோதிலும், தொழிலில் சக கலைஞருக்கு என்ன மரியாதை கொடுக்கப்படுமே அதை இருவரும் எப்போதும் கொடுத்துக் கொள்வோம், அந்த பரஸ்பர மரியாதை தொடரும்.

வதந்திகள்: ஜி.வி. பிரகாஷ் குமாரின் விவாகரத்து அறிவிப்புக்குப் பிறகு, அவருடன் இணைந்து நடித்த நடிகை திவ்ய பாரதியுடன் தொடர்பு இருப்பதாக வதந்திகள் பரவின. ஆனால், திவ்யபாரதி மற்றும் ஜி.வி. பிரகாஷ் இருவரும் இந்த வதந்திகளை மறுத்தனர். மேலும் நடிகை திவ்ய பாரதி தான் ஏற்கனவே திருமணமானவருடன் டேட்டிங் செய்ய மாட்டேன் என்றும் தெரிவித்து வதந்திகளுக்கு முற்றுப்புள்ளி வைத்தார்.

Divorce Couple G V Prakash Kumar Seen Saindhavi and Cute Smile Video Goes Trending

Photo Credit:

G.V.Prakash Kumar Instagram

மீண்டும் இணைந்த: இந்நிலையில் ஜி.வி. பிரகாஷ் குமார் நேற்று அதாவது ஜூலை 12ஆம் தேதி லண்டனில் ஓ.ஜி சம்பவம் என்ற இசைக் கச்சேரியை நடத்தினார். அதில் பல இசைக் கலைஞர்கள், பாடகர்கள், பாடகிகள் கலந்து கொண்டார்கள். அதில் பாடகியும் ஜி.வி. பிரகாஷ் குமாரின் முன்னாள் மனைவியுமான சைந்தவி கலந்து கொண்டு பாடினார். இதற்கான நிகழ்ச்சி ஒன்றில் ஜி.வி. பிரகாஷ் குமார் மற்றும் சைந்தவி கலந்து கொண்டனர். அப்போது இருவரும் நேருக்குநேர் பார்த்துக் கொண்டு, சிரித்துக் கொண்டனர். இது தொடர்பான வீடியோ இணையத்தில் வேகமாக பரவி வருகிறது. இதைப் பார்த்த ரசிகர்கள், இவர்கள் இருவரும் மீண்டும் இணைந்தால் நன்றாக இருக்குமே என பேசி வருகிறார்கள்.

More from Filmibeat