தெலுங்கில் ரீமேக் ஆகும் கர்ணன்...தனுஷுக்கு பதில் யாருன்னு தெரியுமா?

தெலுங்கிற்கு செல்லும் கர்ணன்

தற்போது இந்த படத்தின் தெலுங்கு ரீமேக் உரிமத்தை, டோலிவுட்டின் புகழ்பெற்ற தயாரிப்பு நிறுவனமான பெல்லம்கொண்டா சுரேஷ் பெற்றுள்ளார். ரீமேக் செய்யப்படும் கர்ணன் படத்தில் தனுஷ் நடித்த ஹீரோ கேரக்டரில், தனது மகன் பெல்லம்கொண்டா சாய் ஸ்ரீநிவாசை நடிக்க வைக்க திட்டமிட்டுள்ளனர். டைரக்டர் உள்ளிட்ட மற்ற படக்குழுவினரின் விபரங்கள் விரைவில் வெளியிடப்பட உள்ளது.

தேசிய விருது பெற்ற அசுரன்

சமீபத்தில் தான் தனுஷ் நடித்த அசுரன் படம், சிறந்த படத்திற்கான தேசிய விருதினை பெற்றது. சிறந்த படம், சிறந்த நடிகர் போன்ற பிரிவுகளில் அசுரன் படத்திற்கு தேசிய விருது கிடைத்ததால் ரீமேக் ஆகும் நரப்பா படத்தின் மீது அதிக எதிர்பார்ப்பு ஏற்பட்டுள்ளது.

தமிழ் ரீமேக் படங்களில் சாய் ஸ்ரீநிவாஸ்

இந்நிலையில் தனுஷின் கர்ணன் படமும் ரீமேக் செய்யப்பட உள்ளது. அத்துடன் பொல்லம்கொண்டா சாய் ஸ்ரீநிவாஸ் சமீபத்தில், தமிழ் படமான ராட்சசன் படத்தின் தெலுங்கு ரீமேக்கான ராட்சசுடு படத்தில் நடித்தார். இந்த படம் பிரம்மாண்ட வெற்றியை பெற்றது. தமிழில் விஷ்ணு விஷால், அமலாபால் நடித்த ராட்சசன் படத்தை ராம்குமார் இயக்கி இருந்தார்.

தமிழ் படங்களுக்கு மவுசு

தமிழ் படங்கள் பலரும் தெலுங்கில் ரீமேக் செய்யப்படுவது அதிகரித்து வருகிறது. அப்படி ரீமேக் செய்யப்படும் படங்கள் பலரும் மெகாஹிட் படங்களாக, வசூலை குவித்து வருகின்றன. அதிலும் தமிழில் ஹிட்டாகும் பல படங்கள் தெலுங்கில் ரீமேக் செய்யப்பட்டு, அங்கும் ஹிட் ஆகின்றன.