விக்ரம் விழாவிற்கு வந்த கமலின் உடையில் இதை நீங்க கவனிச்சீங்களா?

அனைவரையும் கவர்ந்த கமல் உடை

உலக நாயகன் கமல்ஹாசன் 'விக்ரம்' பட டிரைலர் வெளியீட்டு விழாவில் அணிந்து வந்த 'உபெர் கூல் ஜாக்கெட்' உடை அனைவரையும் கவர்ந்தது. அதில் கமல் கம்பீரமாக தோற்றமளித்தார். இந்த ஜாக்கெட் கமலுக்காக பிரத்யேகமாக வடிவமைக்கப்பட்டதாக தகவல் வெளியாகியுள்ளது. இந்த ஜாக்கெட்டில் இவ்வளவு இருக்கா என அனைவரும் ஆச்சரியப்பட்டு வருகின்றனர்.

அட இதெல்லாம் கவனிக்கலியோ

இந்த ஜாக்கெட் விக்ரம் திரைப்பட தீமை குறிக்கும் வகையில் டிசைன் செய்யப்பட்டிருந்தது. அதுவும் ஜாக்கெட் முழுவதும் படத்தில் பயன்படுத்தப்பட்டது போன்ற துப்பாக்கிகள் உருவம் கையால் வரையப்பட்டுள்ளது. இந்த ஜாக்கெட்டின் பின்புறம் படத்தின் டைட்டிலை குறிக்கும் வகையில் 'V' என்ற எழுத்து சிவப்பு நிறத்தில் எழுதப்பட்டிருந்தது. இந்த ஜாக்கெட் லெதரால் ஆக்கப்பட்டது.

இவ்வளவு இருக்கா இதில்

படத்தின் தீமான Code Purple கொண்டதாக இந்த ஜாக்கெட் அமைக்கப்பட்டுள்ளது. படத்தில் வரும் துப்பாக்கிச்சூடு, குண்டுவெடிப்பு, கேங்ஸ்டர்கள் என அனைத்தையும் உள்ளடக்கியதாக இந்த ஜாக்கெட் அமைக்கப்பட்டுள்ளது. மெட்டலால் அமைக்கப்பட்டுள்ள சிறு துண்டுகளும் இதில் பொருத்தப்பட்டுள்ளது. ஜிப், பாக்கெட், கிராசான வளையங்கள் ஆகிவையும் இந்த ஜாக்கெட்டில் பொருத்தப்பட்டுள்ளது.

இவரோட ஐடியா தானா இது

இந்த ஜாக்கெட் அம்ரிதாராம் என்பவரால் டிசைன் செய்யப்பட்டு வடிவமைக்கப்பட்டுள்ளது. இவர் தான் கமலின் ஆடை வடிவமைப்பாளர். கமலுக்கு மட்டுமல்ல அவரது மகள் ஸ்ருதிஹாசனுக்கும் அம்ரிதா ராம் தான் ஆடை வடிவமைப்பாளர். கமலின் ஜாக்கெட் பற்றிய தகவல் வெளியானதில் இருந்தே கமலின் ஸ்டையிலான போட்டோ செம டிரெண்டாகி வருகிறது.