Don't Miss!
- News புதுக்கோட்டையிலிருந்து ஷர்மிளா.. அதென்ன வித்தியாசமான "வாசனை"? குழம்பி நின்ற சென்னை சூளைமேடு போலீஸ்
- Technology யாரும் நம்பமாற்றங்க.. தென்கொரிய பெண்ணை ஏமாற்றினாரா எலான் மஸ்க்? 50,000 டாலருடன் எஸ்கேப்பானது யார்?
- Lifestyle மாம்பழம் வாங்க போறீங்களா? இப்படி பார்த்து வாங்குங்க... அப்பதான் ஏமாறாம நல்ல டேஸ்ட்டான பழமா வாங்கலாம்...!
- Automobiles அரபு நாடுகளுக்கு ஆப்பு வைக்கும் இந்தியா... அவங்க பொழப்புல மொத்தமா மண்ணை அள்ளி போட்டுட்டாங்க...
- Finance ஆக்சிஸ் வங்கி சிஇஓ-க்கு அடித்தது யோகம்.. அடுத்த 3 வருடத்திற்கு ராஜ வாழ்க்கை..!
- Sports IPL 2024 : இந்த அவமானம் தேவையா.. ஆர்சிபி அணியிடம் அதுமட்டும் நிச்சயம் கிடையாது.. வாசிம் அக்ரம்!
- Travel மதுரை கள்ளழகர் திருவிழாவைப் போன்றே மற்ற இடங்களில் நடக்கும் ‘அழகர் திருவிழாக்கள்’ பற்றி தெரியுமா உங்களுக்கு?
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
3 நாட்களில் 5 மில்லியன் பார்வையாளர்களை கடந்து ட்ரெண்டிங்கில் சிவகார்த்திகேயனின் பே பாடல்!
சென்னை: சிவகார்த்திகேயன் நடிப்பில் நெல்சன் இயக்கத்தில் வெளியான டாக்டர் திரைப்படம் மிகப் பெரிய வெற்றி பெற்று வசூலை அள்ளியது
அடுத்ததாக அறிமுக இயக்குனர் சிபி சக்கரவர்த்தி இயக்கத்தில் டான் என்ற படத்தில் சிவகார்த்திகேயன் ஹீரோவாக நடித்து வருகிறார்
கல்லூரி கதை களத்தில் உருவாகி வரும் இப்படத்தின் இரண்டாவது பாடல் பே மூன்று நாட்களுக்கு முன்பு வெளியான நிலையில் இப்பொழுது 5 மில்லியன் பார்வையாளர்களைக் கடந்து இணையதளத்தில் ட்ரெண்டிங்கில் உள்ளது.
வேற வெலல் அப்டேட்...அரபிக் குத்து ரெடி...பிப்ரவரி 14 ல் பீஸ்ட் பஸ்ட் சிங்கிள்
காமெடிக்கு பஞ்சமிருக்காது
நடிகர் சிவகார்த்திகேயன் படங்கள் என்றாலே ரசிகர்கள் கூட்டம் அலைமோதும். குடும்பம் குடும்பமாக படையெடுத்து திரையரங்குகளில் இவரின் படங்களை கண்டு ரசிப்பார்கள். அந்த அளவிற்கு இவரது திரைப்படங்கள் குடும்ப ரசிகர்களையும் வெகுவாக கவர்ந்து வருகிறது. இயக்குனர் நெல்சன் இயக்கத்தில் சிவகார்த்திகேயன் நடிப்பில் வெளியான டாக்டர் திரைப்படம் நீண்ட இழுபறிக்குப் பிறகு திரையரங்குகளில் வெளியானது. வழக்கமான சிவகார்த்திகேயன் திரைப்படங்களில் காமெடிக்கு பஞ்சமிருக்காது குறிப்பாக சிவகார்த்திகேயன் அடிக்கும் கவுண்டர்கள் அனைவருக்கும் பிடிக்கும். ஆனால் டாக்டர் வழக்கமான சிவகார்த்திகேயன் படமாக அல்லாமல் மிகக் குறைந்த அளவிலேயே வசனங்கள் பேசியிருப்பார்.
அடுத்தடுத்து இரண்டு படங்களில்
டாக்டர் கொடுத்த மிகப்பெரிய வெற்றியை தொடர்ந்து சிவகார்த்திகேயன் இப்பொழுது அறிமுக இயக்குனர் சிபிசக்கரவர்த்தி இயக்கத்தில் டான் என்ற படத்தில் நடித்து வருகிறார். டாக்டர் படத்தில் நடித்து தமிழ் சினிமாவில் கதாநாயகியாக அறிமுகமாகி தமிழ் ரசிகர்களின் கனவுக்கன்னியாக மாறியுள்ள பிரியங்கா மோகன் இந்த படத்திலும் கதாநாயகியாக நடித்து வருகிறார். சிவகார்த்திகேயன் உடன் அடுத்தடுத்து இரண்டு படங்களில் ஜோடி போட்டு நடித்து வருகிறார்
இரண்டாவது சிங்கிள் பே
முழுக்க முழுக்க கல்லூரி கதை களத்தில் உருவாகி வரும் இப்படத்தில் எஸ் ஜே சூரியா,சமுத்திரக்கனி, சூரி ஆகியோர் முக்கிய கதாபாத்திரங்களில் நடிக்கின்றனர். முற்றிலும் கலகலப்பான படமாக உருவாகி வரும் டான் மார்ச் 25ல் வெளியாகும் என படக்குழு அறிவித்திருந்தது. இந்த நிலையில் மூன்று தினங்களுக்கு முன்பு டான் படத்திலிருந்து இரண்டாவது சிங்கிள் பே வெளியானது
மூன்றே நாட்களில் 5 மில்லியன் பார்வையாளர்களை கடந்தது
விக்னேஷ் சிவனின் வரிகளில் அனிருத்தின் இசையில் ஆதித்யாவின் குரலில் வெளியான பே ரொமான்டிக் காதல் பாடலாக வெளியாகி ரசிகர்களை வெகுவாக கவர்ந்தது. இப்போது பே வெளியான மூன்றே நாட்களில் 5 மில்லியன் பார்வையாளர்களை கடந்து ட்ரெண்டிங்கில் உள்ளது .