என்னை இனி இயக்குநர் விஜய்னு போட்டா போதும்... நோ இனிஷியல் ப்ளீஸ்!

இனிமேல் என்னை இனிஷியலுடன் அழைக்க வேண்டாம். பெயருக்கு முன் இயக்குநர் என்று குறிப்பிட வேண்டும் என்று இயக்குநர் விஜய் கேட்டுக் கொண்டுள்ளார்.

கிரீடம் படம் மூலம் அறிமுகமானவர் இயக்குநர் விஜய். மதராசபட்டணம், தெய்வத் திருமகள், தாண்டவம், தலைவா போன்ற படங்களை இயக்கியுள்ளார்.

பிரபல தயாரிப்பாளர் ஏஎல் அழகப்பனின் மகன் இவர். எனவே அவரை ஆரம்பத்திலிருந்து ஏ எல் விஜய் என்றே குறிப்பிட்டு வந்தனர். ஆனால் தலைவா படத்தின் போது, தன் பெயரை இயக்குநர் விஜய் என்று குறிப்பிடுமாறு கேட்டுக் கொண்டார்.

ஆனால் மீடியாவில் அவரை தொடர்ந்து ஏ எல் விஜய் என்றே குறிப்பிட்டு வந்தனர்.

எனவே மீண்டும் தன் பெயருடன் இனிஷியலை சேர்க்க வேண்டாம் என கோரிக்கை விடுத்துள்ளார்.

"நண்பர்களே.. இனி என்னைப் பற்றிய செய்திகளில் ஏஎல் விஜய் என்று குறிப்பிட வேண்டாம். இயக்குநர் விஜய் என்று குறிப்பிடவும்," என கேட்டுக் கொண்டுள்ளார்.