பாலிவுட்டில் மிரட்டப் போகும் துல்கர் சல்மான்.. வெறித்தனமான 'Chup' டிரைலர் ஆன் தி வே!

பால்கி இயக்கத்தில்

தனுஷின் ஷமிதாப் படத்தை இயக்கிய பாலிவுட் இயக்குநர் பால்கி இயக்கத்தில் துல்கர் சல்மான் நடித்துள்ள 'சுப்'' திரைப்படம் உருவாகி உள்ளது. பாலிவுட் நடிகர்களான சன்னி தியோல், பூஜா பட் மற்றும் ஷ்ரேயா தன்வந்திரி உள்ளிட்ட பலர் இந்த கிரைம் த்ரில்லர் படத்தில் நடித்துள்ளனர். அதன் டிரைலர் வரும் செப்டம்பர் 5ம் தேதி வெளியாகிறது.

பாலிவுட்டில் துல்கர்

தென்னிந்திய நடிகர்களான விஜய்சேதுபதி, விஜய் தேவரகொண்டா, நாக சைதன்யா உள்ளிட்ட இளம் நடிகர்களை தொடர்ந்து நடிகர் துல்கர் சல்மானும் பாலிவுட்டில் அசத்த உள்ளார். இயக்குநர் பால்கி இயக்கத்தில் உருவாகி உள்ள சுப் படத்தில் மிரட்டலான கதாபாத்திரத்தில் நடித்துள்ளார் துல்கர் சல்மான்.

சீதாராமம் ஹிட்

சமீபத்தில் வெளியான துல்கர் சல்மானின் சீதாராமம் திரைப்படம் இந்தியளவில் மிகப்பெரிய வரவேற்பை பெற்றது. துல்கர் சல்மான், மிருணாள் தாகூர் மற்றும் ராஷ்மிகா மந்தனா உள்ளிட்ட அனைவருமே ரசிகர்களை ஈர்க்கும் வண்ணம் நடித்திருந்தனர். இந்நிலையில், துல்கரின் அடுத்த படமான சுப் நிச்சயம் மிகப்பெரிய வெற்றியை பதிவு செய்யும் என எதிர்பார்க்கப்படுகிறது.

குரு தத்துக்கு குரு வணக்கம்

இந்தியாவின் மிகச் சிறந்த இயக்குநரான குரு தத்துக்கு குரு வணக்கம் செலுத்துவதாக இந்த படம் உருவாகி உள்ளது என்கின்றனர். 1959ம் ஆண்டு அவர் இயக்கத்தில் வெளியான 'Kaagaz Ke Phool' படத்தின் தழுவலாக இந்த படம் உருவாகி உள்ளது என்றும் தகவல்கள் வெளியாகி உள்ளன. குரு தத் பார்வையில் இருந்தே இந்த படத்தின் நடிகர்கள் தெரிவது போல போஸ்டர்கள் உருவாக்கப்பட்டுள்ளன. ஆசிரியர் தினமான செப்டம்பர் 5ம் தேதி அதன் டிரைலரை வெளியிட படக்குழு முடிவு செய்திருக்கிறது.