ஐசரி கணேஷின் ரூ.8.94 கோடி சொத்துகள் முடக்கம்.. அந்நியச் செலாவணி மோசடி வழக்கில் நடவடிக்கை

சிம்பு படம்

ஐசரி கணேஷ் தயாரிப்பில் வரிசையாக ஏகப்பட்ட படங்கள் வெளியாகி வருகின்றன. கெளதம் மேனனின் கடன்களை அடைக்க சம்மதித்து சிம்புவின் வெந்து தணிந்தது காடு படத்தை இயக்கும் வாய்ப்பையு ஐசரி கணேஷ் கொடுத்திருந்தார். வரும் செப்டம்பர் 15ம் தேதி வெந்து தணிந்தது காடு படம் வெளியாக உள்ள நிலையில், அதன் தயாரிப்பாளர் மோசடி வழக்கில் சிக்கி உள்ளார்.

சொத்துக்கள் முடக்கம்

தயாரிப்பாளர் ஐசரி கணேஷின் ரூ.8.94 கோடி சொத்துகளை அமலாக்கத்துறை முடக்கியது. அந்நியச் செலாவாணி மோசடி வழக்கில் அமலாக்கத்துறை நடவடிக்கை மேற்கொண்டுள்ளது. ஜி.வி.ஃபிலிம்ஸ் நிறுவனத்துக்கு சொந்தமான தஞ்சாவூரில் உள்ள ரூ.8.94 கோடி மதிப்புள்ள நிலத்தை முடக்கியுள்ளதாக தகவல்கள் வெளியாகி உள்ளன.

ஆடியோ லான்ச்

தமிழ் சினிமாவின் பல முன்னணி பிரபலங்கள் பங்கு பெறும் வகையில் பிரம்மாண்டமாக சிம்புவின் வெந்து தணிந்தது காடு படத்தின் இசை வெளியீட்டு விழாவை செப்டம்பர் 2ம் தேதி (நாளை) நடத்த திட்டமிட்டுள்ளார் ஐசரி கணேஷ். இந்நிலையில், அவருக்கு சொந்தமான பல கோடி ரூபாய் சொத்துக்கள் அமலாக்கத்துறையினரால் முடக்கப்பட்டுள்ளது பெரும் பரபரப்பை ஏற்படுத்தியுள்ளது.

கமல் பங்கேற்பு

வெந்து தணிந்தது காடு படத்தின் இசை வெளியீட்டு விழாவில் பங்கேற்க வேண்டும் என சமீபத்தில் நடிகர் கமல்ஹாசனை நேரில் சந்தித்து அழைப்பிதழ் கொடுத்திருந்தார் ஐசரி கணேஷ். மேலும், தமிழ் திரையுலகில் பல பிரபலங்களையும் இந்த விழாவிற்கு அழைத்துள்ளார்.

ஏ.ஆர். ரஹ்மான் லைவ்

இசைப்புயல் ஏ.ஆர். ரஹ்மான் வெந்து தணிந்தது காடு இசை வெளியீட்டு விழாவில் தனது இசையில் உருவான அத்தனை பாடல்களையும் லைவாக பர்ஃபார்மன்ஸ் செய்யப் போகிறார் என்றும் அறிவிப்புகள் வெளியாகி உள்ளன. சொத்துக்கள் முடக்கம் குறித்த விளக்கத்தை ஐசரி கணேஷ் நிகழ்ச்சியில் அறிவிப்பாரா? என்றும் ரசிகர்கள் ஆர்வத்துடன் காத்திருக்கின்றனர்.