அடேங்கப்பா..பிக் பாஸ் வீட்டில் ஜனனி வாங்கிய சம்பளம் எவ்வளவு தெரியுமா?

ஜனனி

இலங்கையை சேர்ந்த பெண்ணான ஜனனி மீடியாவில் சாதிக்க வேண்டும் என்ற லட்சியத்துடன் துடிப்பாகவே இருந்தார். அதன் பின் இலங்கை சேனலில் செய்தி வாசிப்பாளராகவும், நிகழ்ச்சி தொகுப்பாளராக இருந்துள்ளார். இதன் மூலம் கிடைத்த பிரபலத்தால் பிக்பாஸ் நிகழ்ச்சியில் என்ட்ரி கொடுத்த ஜனனி, ஏராளமான ரசிகர்களை வளைத்துப் போட்டார்.

குட்டி த்ரிஷா

ஜனனி உள்ளே வந்ததும் ரசிகர்கள் ஆர்மிகளை உருவாக்கி தெறிக்கவிட்டனர். அவரின் டிக்டாக் வீடியோக்களை இணையத்தில் வைரலாக்கினார்கள். நம்ம டிக்டாக் புகழ் ஜிபிமுத்துக்கு அடுத்து அதிகளவில் ஆர்மி ஜனனிக்குத்தான் உருவானது. த்ரிஷாவின் தீவிர ரசிகையான ஜனனியை அவரது ரசிகர்கள் குட்டி த்ரிஷா என செல்லமாக அனைத்து வருகின்றனர்.

கடுப்பானார்கள்

பிக் பாஸ் வீட்டில் ஆரம்பத்தில் கவனத்தோடு விளையாடிக் கொண்டிருந்த ஜனனி நாட்கள் செல்ல விளையாட்டை ஏனோதானே என விளையாடினார். அது மட்டும் இல்லாமல் வீட்டில் சிறியவராக இருந்தாலும், பல போட்டியாளர்களிடம் அவர் மரியாதைக்குறைவாகவே பேசி வந்தார். குறிப்பாக அமுதவாணன் என்ன சொன்னாலும் அதை அப்படியே செயல்படுத்தி வந்தால், போட்டியாளர்கள் மட்டும் இல்லாமல் பார்வையாளர்களும் கடுப்பானார்கள்.

ஜனனியை கண்டித்த கமல்

அதே போல அமுதவாணன், தனலட்சுமி, ஜனனி ஆகியோர் குரூப்பாக சேர்ந்து செயல்பட்டு வந்தார்கள் இது பார்ப்பதற்கு கடுப்பாகவே இருந்தது. நாமினேஷனில் ஒருவரை ஒருவர் கலந்து பேசி தங்களுக்கு பிடிக்காத போட்டியாளர்களை நாமினேட் செய்ததையும் கமல்ஹாசன் சனிக்கிழமை சுட்டிக்காட்டி கண்டித்திருந்தார். போன வாரமே ஆயிஷாவுடன் ஹாட் சீட்டில் இருந்த ஜனனியை ரசிகர்கள் வாக்களித்து காப்பாற்றினார்கள்.

ஜனனி வெளியேறினார்

இந்த வாரம், அசீம், விக்ரமன்,கதிர், ஜனனி,ஏடிகே போன்றோர் நாமினேஷன் ஆனார்கள். இதில் குறைந்த வாக்குகளை பெற்று ஏடிகே வெளியேறிவிட்டதாக கூறப்பட்ட நிலையில், யாரும் எதிர்பார்க்காத விதமாக செம ட்விஸ்டுடன் ஜனனி வீட்டை விட்டு வெறியேறியது அவரது ரசிகர்களை அதிர்ச்சியில் ஆழ்த்தி உள்ளது. ஜனனி நேரடி நாமினேஷனால் ஆனால் அவருக்கு வாக்களித்து இறுதியில் டைட்டில் வின்னராக கொண்டு செல்வோம் என்று அவரது ரசிகர்கள் கூறி வந்த நிலையில் இப்படி ஆகிவிட்டதே என ஜனனியின் ரசிகர்கள் புலம்பி வருகின்றனர்.

ஜனனி வாங்கிய சம்பளம்

இந்நிலையில்,பிக் பாஸ் வீட்டிலிருந்து வெளியேறிய ஜனனி வாங்கிய சம்பளம் குறித்த தகவல் வெளியாகி உள்ளது. அவருக்கு ஒரு நாளைக்கு 25 ஆயிரம் ரூபாய் சம்பளம் பேசப்பட்டு இருந்ததாகவும், அவர் பிக் பாஸ் வீட்டில் 70 நாட்கள் இருந்ததால், பல லட்சத்திற்கு மேல் சம்பளமாக வாங்கி உள்ளார். அவர் வாங்கிய சம்பளத்தை கேட்டு ரசிகர்கள் வாய்பிளந்து இருக்கிறார்கள்.