Don't Miss!
- Finance சென்செக்ஸ்: வருடத்தின் கடைசி நாள் ரூ.128.8 லட்சம் கோடி லாபம்.. பண மழையில் முதலீட்டாளர்கள்..!!
- News அண்ணாமலை வேட்பு மனுவில் செய்த 2 மிகப்பெரிய தவறு.. திமுக எதுவுமே பேசல.. கொந்தளித்த நாதக வழக்கறிஞர்!
- Technology Jio-வை பொலி போட்ட BSNL.. ரூ.600 க்கு 4000GB டேட்டா.. 125 Mbps ஸ்பீட்.. இலவச OTT.. 2 புதிய திட்டங்கள் அறிமுகம்!
- Travel 2050 வருஷம் வருறதுக்குள்ள உலகத்துல உள்ள இந்த அழகான இடங்கள் எல்லாம் கடலுக்குள்ள போயிடுமாம்!
- Automobiles மாருதியின் இந்த கார்களின் டேங்கை ஃபுல் பண்ணா 1,200கிமீ போகலாமா.. இதுக்காக பிரச்சாரம் செய்யவே தொடங்கிட்டாங்க!
- Sports SRH vs GT : பல்தான்ஸ்.. நமக்கு இவ்வளவு பெரிய சோதனை வந்தது ஏன்? ஓய்வறையில் ஓபனாக பேசிய ஹர்திக்!
- Lifestyle ஹிட்லரின் ஆட்சியில் செய்யப்பட்ட மகத்தான சாதனைகள்... ஹிட்லருக்கே தெரியாம இவ்வளவு நல்லது பண்ணிருக்காரா?
- Education ஆஸ்திரேலியாவில் உயர்கல்வி பயில இந்திய மாணவர்கள் விரும்புவது ஏன்?
‘என் அப்பா’.. கண்ணீரை வரவழைக்கும் 'நாடோடிகள்' அபிநயா!
சென்னை: இயக்குநர் மற்றும் நடிகர் சமுத்திரக்கனியின் வேண்டுகோளுக்கிணங்க திரையுலகப் பிரபலங்கள் தங்களது அப்பா குறித்த வீடியோக்களை வெளியிட்டு வருகின்றனர். அந்தவகையில், நடிகை அபிநயா வெளியிட்டுள்ள வீடியோ மிகவும் நெகிழ்ச்சியான ஒன்றாக உள்ளது.
அப்பா என்ற படத்தை தயாரித்து, இயக்கி, நடித்துள்ளார் சமுத்திரக்கனி. இப்படத்தில் மூன்று விதமான அப்பாக்களைப் பற்றிய கதைக்களத்தை அவர் கையாண்டிருக்கிறார்.
விரைவில் இப்படம் ரிலீசாக இருக்கிறது.
என் அப்பா...
இந்நிலையில், ‘அப்பா' படத்துக்காகப் பல பிரபலங்கள்கிட்ட இருந்து அவர்களுடைய அப்பாவைப் பற்றிப் பேசச் சொல்லி ட்ரைலர் மாதிரி வீடியோக்களைத் தயார் செய்து வருகிறார் சமுத்திரக்கனி.
சூர்யா, சிவக்குமார்...
இந்தப் பட்டியலில் சிவக்குமார், இளையராஜா, சூர்யா, சசிகுமார், பாண்டிராஜ், பார்த்திபன், நடிகை ரோகினி, மோகன்லால், மஞ்சு வாரியார் உள்பட பலர் இடம் பெற்றுள்ளனர். தங்களது அப்பாக்களைப் பற்றி இந்த வீடியோக்களில் அவர்கள் பேசியுள்ளனர்.
அபிநயா...
இந்நிலையில், இந்தப் பட்டியலில் தன் அப்பாவைப் பற்றிய வீடியோவைச் சேர்த்து புதிதாக இணைந்துள்ளார் நடிகை அபிநயா. பிறவியிலேயே வாய் பேச முடியாத, காது கேளாத மாற்றுத்திறனாளி பெண்ணான அபிநயா, தன் திறமையான நடிப்பால் முதல்படமான நாடோடிகள் படத்திலேயே பேசப்பட்டார்.
அப்பாவின் தியாகம்...
தொடர்ந்து ஈசன், வீரம் உள்ளிட்ட படங்களில் நடித்த அபிநயா, இந்த வீடியோவில் தனது அப்பாவின் தியாகம் குறித்து மனம் திறந்துள்ளார்.
மகள் தந்தைக்காற்றும் உதவி...
மகள் தந்தைக்காற்றும் உதவி என்ற தலைப்பில் தன் அப்பாவைப் பற்றி இந்த வீடியோவில் அவர் பேசியுள்ளார். முதலில் அபிநயா தன் மழலை மொழிகளிலில் அப்பாவைப் பற்றி பேசுகிறார். பின்னர், அபிநயா பேசியதை அவரது அம்மா விளக்கமாகக் கூறுகிறார்.
நன்றிக்கடன்...
அதில், ‘தன் வாழ்நாளையே தனக்காக தியாகம் செய்த தன் அப்பாவிற்கு தான் நன்றிக்கடன் பட்டிருப்பதாவும், அந்தக் கடனை எப்படித் தீர்க்கப் போகிறேன் எனத் தெரியவில்லை' என்றும் நெகிழ்ச்சியாகத் தெரிவித்துள்ளார் அபி.
காட்பாதர்...
கூடவே, இயக்குநர் சமுத்திரக்கனியும் தனக்கு ஒரு அப்பா மாதிரி தான். காட்பாதர். அவருக்கும் தன்னுடைய நன்றிகளைத் தெரிவிப்பதாக அவர் கூறியுள்ளார்.