Don't Miss!
- News மாஸ் காட்டிய சென்னைவாசிகள்! 40 ஆண்டுகளில் இல்லாத அளவுக்கு வாக்குப்பதிவு! 1980க்கு பிறகு இதுதான் அதிகம்
- Sports CSK vs LSG : தோனி பேட்டிங்.. அலறிய வாட்ச்.. பதறிய டி காக் மனைவி.. ரசிகர்கள் செயலால் நடந்த சம்பவம்
- Lifestyle 2024 குரு பெயர்ச்சியால் உருவாகும் குபேர யோகம்: இந்த 3 ராசிக்காரர்களுக்கு பணக்காரராகும் வாய்ப்பிருக்கு..
- Automobiles இந்தியாவில் விவசாயம் பார்ப்பவர்கள் அதிகமாகி விட்டார்களா என்ன? மஹிந்திரா டிராக்டர்ஸ் சேல்ஸ் டாப் கியரில்!!
- Technology சுந்தர் பிச்சையின் இன்னொரு முகம்.. Ad Blocker ஆப்களுக்கு ஆப்பு அடிச்ச Google.. யூசர்களுக்கு Warning.. இனிமேல்?
- Finance 9 GB டேட்டா ரூ. 1.20 கோடியா.. அதிர்ச்சியில் புளோரிடா தம்பதி!
- Travel வெறும் ரூ.150 இருந்தால் போதும் – நீங்கள் விமானத்தில் பயணம் செய்யலாம்!
- Education திறந்தநிலை படிப்புகளில் சேரும் மாணவர்களே உஷார்....ஏஐசிடிஇ எச்சரிக்கை...!
அசுரனை வீழ்த்திய எனை நோக்கிப் பாயும் தோட்டா.. முதல் நாள் கலெக்ஷன் எவ்வளவு தெரியுமா?
சென்னை: மூன்று ஆண்டுகள் கழித்து தாமதமாக வெளியானாலும், எனை நோக்கிப் பாயும் தோட்டாவிற்கு கொஞ்சம் கூட தியேட்டரில் கூட்டம் குறையவில்லை.
தனுஷ் ரசிகர்களின் அதிகப்படியான அன்பினால், சென்னையில் முதல் நாளில் 74 லட்சம் ரூபாயை வசூலித்துள்ளதாக தகவல்கள் வெளியாகியுள்ளன.
வெற்றிமாறன் இயக்கத்தில் தனுஷ், மஞ்சுவாரியர் நடிப்பில் வெளியான அசுரன் திரைப்படம் முதல் நாளில் 54 லட்சம் மட்டுமே வசூலித்த நிலையில், எனை நோக்கிப் பாயும் தோட்டா அதனை மிஞ்சியுள்ளது.
தியேட்டரில் ஆரவாரம்
கெளதம் மேனன் இயக்கத்தில் தனுஷ், மேகா ஆகாஷ், சசி குமார் நடிப்பில் நேற்று வெளியான எனை நோக்கிப் பாயும் தோட்டா படத்திற்கு தியேட்டரில் ரசிகர்கள் மத்தியில் மிகப்பெரிய வரவேற்பு கிடைத்துள்ளது. அசுரன் வெற்றியைத் தொடர்ந்து எனை நோக்கிப் பாயும் தோட்டா படத்தையும் மாபெரும் வெற்றி பெற வைக்க தனுஷ் ரசிகர்கள் தியேட்டருக்கு படையெடுத்து வருகின்றனர்.
சென்னை வசூல்
தனுஷின் எனை நோக்கிப் பாயும் தோட்டா ரொமான்டிக் மற்றும் ஆக்ஷன் த்ரில்லராக வெளியாகியுள்ளது. சென்னையில் முதல் நாள் வசூலாக சுமார் 74 லட்சம் ரூபாய் வசூலித்துள்ளதாக, பாக்ஸ் ஆஃபிஸ் நிபுணர்கள் கணித்துள்ளனர்.
தமிழ்நாட்டில்
சென்னையில் 74 லட்சம் ரூபாய் வசூலை ஈட்டியுள்ள தனுஷின் எனை நோக்கிப் பாயும் தோட்டா படம் தமிழ்நாட்டில் மொத்த வசூலாக 6 முதல் 7 கோடி ரூபாய் வரை வசூல் செய்திருக்கும் என கணிக்கப்பட்டுள்ளது.
மத்த ஏரியாக்களில்
கேரளாவிலும் அசுரன் திரைப்படத்தை விட எனை நோக்கிப் பாயும் தோட்டா முதல் நாளில் நல்ல ஓபனிங் செய்துள்ளதாக தகவல்கள் வெளியாகியுள்ளன. ஆந்திரா, தெலங்கானா மற்றும் கர்நாடக மாநிலங்களிலும் தனுஷ் ரசிகர்கள் எனை நோக்கிப் பாயும் தோட்டா படத்திற்கு உற்சாக வரவேற்பு அளித்து வருகின்றனர்.
அசுரனை வீழ்த்தியது
அக்டோபரில் வெளியான அசுரன் படம் முதல் நாளில் 54 லட்சம் ரூபாய் வசூலித்திருந்த நிலையில், எனை நோக்கிப் பாயும் தோட்டா படம் முதல் நாளில் சென்னையில் 74 லட்சம் ரூபாய் வசூலித்து அசுரன் முதல் நாள் வசூலை பின்னுக்குத் தள்ளியுள்ளது.
|
வடசென்னை தான் டாப்
தனுஷ் படங்களிலேயே இதுவரை முதல் நாள் வசூலில் வடசென்னை படம் தான் முதலிடத்தில் இருக்கிறது. சென்னையில் வடசென்னை படம் முதல் நாளில் மட்டும் சுமார் 82 லட்சம் வசூல் செய்துள்ளது. தற்போது எனை நோக்கிப் பாயும் தோட்டா இரண்டாவது இடத்தை பிடித்துள்ளது.
வீக்கெண்ட் வசூல்
3 ஆண்டுகள் கழித்து வந்தாலும், காலாவதி ஆகாமல் ரசிகர்களை கவர்ந்து வருகிறது எனை நோக்கிப் பாயும் தோட்டா, படத்திற்கு கிடைத்துள்ள பாசிட்டிவ் விமர்சனங்களால், சனி மற்றும் ஞாயிற்றுக் கிழமைகளில் தியேட்டரில் கூட்டம் அலைமோதும் என்றும், நிச்சயம் முதல் வார வசூல் தமிழ்நாட்டில் 20 முதல் 25 கோடி வரை வசூலாகும் எனவும் கணிக்கப்பட்டுள்ளது.