Don't Miss!
- News ‛‛இளையராஜா எல்லோருக்கும் மோலானவர்கள் இல்லை’’.. பாடல் காப்புரிமை வழக்கில் சென்னை ஹைகோர்ட் கருத்து
- Sports இதெல்லாம் நிஜமா.. என்னை நானே கிள்ளிப் பார்த்துக் கொண்டேன்.. வருங்கால ஆஸி. அதிரடி மன்னன்
- Automobiles சுஸுகி பைக்குகளில் இது தனி ரகம்!! இந்தியாவில் விலையை கேட்டால் மயக்கமே வந்துவிடும்!
- Lifestyle மீன ராசியில் வக்ர நிவர்த்தி அடையும் புதன்: ஏப்ரல் 25 முதல் இந்த 3 ராசிக்கு தொழிலில் வெற்றிகள் குவியும்..
- Technology Google-ன் அடுத்த அடி.. உங்க Gmail அக்கவுண்ட்ல 4000-க்கும் அதிகமான இமெயில் இருக்கா? அப்போ இதுதான் ஒரே வழி!
- Finance பர்னிச்சர் பொருட்களை வாடகைக்கு எடுப்பது லாபமா..? சொந்தமாக வாங்குவது லாபமா..?
- Education சூப்பர் சாதனை....தொழிலாளர் நலத்துறை ஆணையரின் மகள் யுபிஎஸ்சி தேர்வில் வெற்றி
- Travel தமிழ்நாட்டில் தேனிலவு செல்வதற்கு ஏற்ற குளிர்ச்சியான அழகான மலைவாசஸ்தலங்கள்!
இழுத்தடிக்கும் எந்திரன் வழக்கு: ஷங்கருக்கு ரூ. 10,000 அபராதம் விதித்த ஹைகோர்ட்
சென்னை: எந்திரன் பட வழக்கில் இயக்குனர் ஷங்கருக்கு ரூ. 10 ஆயிரம் அபராதம் விதித்து சென்னை உயர் நீதிமன்றம் உத்தரவிட்டுள்ளது.
ஷங்கர் இயக்கத்தில் ரஜினிகாந்த், ஐஸ்வர்யா ராய் நடிப்பில் வெளியாகி ஹிட்டான படம் எந்திரன். அந்த படத்தின் கதை தன்னுடையது என்று கூறி எழுத்தாளர் ஆரூர் தமிழ்நாடன் சென்னை உயர் நீதிமன்றத்தில் கடந்த 2010ம் ஆண்டு வழக்கு தொடர்ந்தார்.
தனது கதையை திருடி படம் எடுத்ததற்காக தனக்கு ரூ. 1 கோடி இழப்பீடு வழங்கப்பட வேண்டும் என்று அவர் தனது மனுவில் தெரிவித்திருந்தார். இந்த வழக்கில் ஷங்கர் நேரில் ஆஜராக வேண்டும் என்று நீதிமன்றம் கடந்த மாதம் உத்தரவிட்டிருந்தது.
இந்நிலையில் இந்த வழக்கு நீதிபதி எம். சுந்தர் முன்பு நேற்று விசாரணைக்கு வந்தது. அப்போது ஷங்கர் ஆஜராகவில்லை. மேலும் அவர் சார்பில் ஆஜரான வழக்கறிஞரோ வழக்கு விசாரணை தள்ளி வைக்க வேண்டும் என்று கோரினார்.
வழக்கை தள்ளி வைக்க மனுதாரர் தரப்பில் ஆஜரான வழக்கறிஞர் எதிர்ப்பு தெரிவித்தார். ஷங்கர் வேண்டும் என்றே வழக்கை இழுத்தடிப்பதாக அவர் கூறினார்.
விசாரணையை வரும் 12ம் தேதிக்கு ஒத்தி வைத்த நீதிபதி நேரில் ஆஜராகாத ஷங்கருக்கு ரூ. 10 ஆயிரம்(வழக்கு செலவு) அபராதம் விதித்தார். இந்த தொகையை அவர் வரும் 10ம் தேதிக்குள் விலங்குகள் நல அமைப்பான ப்ளூகிராஸில் செலுத்த வேண்டும் என்று நீதிபதி உத்தரவிட்டார்.