திரைத் துளி

2002ல் தமிழ்த் திரையுலகம் சில மறக்க முடியாத நிகழ்வுகளையும் சந்தித்தது. இந்த நிகழ்வுகள் பலருக்கு கசப்பான அனுபவங்களாகவும் அமைந்தது.

• காவிரிப் பிரச்சினைக்காக இயக்குனர் பாரதிராஜா தலைமையில் தமிழ்த் திரையுலகமே ஒன்று திரண்டு, நெய்வேலியில் மாபெரும் பேரணி மற்றும் கூட்டத்தை நடத்தியது தமிழக திரையுலக வரலாற்று நிகழ்ச்சியில் மறக்க முடியாத ஒன்று.
• காவிரிப் பிரச்சினையில் ரஜினிகாந்த் தனிமைப்படுத்தப்பட்டார். கர்நாடகத்திற்கு ஆதரவாகவும், தமிழக விவசாயிகள் நலனுக்கு விரோதமாகவும் அவர் நடப்பதாக முத்திரை குத்தப்பட்டது. ரஜினியை விமர்சித்து பேச்சுக்கள் எழுந்தன.
• அக்டோபர் 13ம் தேதி ரஜினிகாந்த் காவிரிப் பிரச்சினைக்காக சென்னையில் தனியாக உண்ணாவிரதம் இருந்தார். அவரை வாழ்த்துவதற்கு பல்வேறு அரசியல் கட்சிப் பிரமுகர்கள் திரண்டு வந்தனர். நதிகள் இணைப்புக்கு இயக்கம் தொடங்குவதாகவும் அதற்காக ரூ. 1 கோடி தருவதாகவும் அறிவித்த ரஜினி, சமீபத்தில் அதையெல்லாம் செய்யப் போவதில்லை என்று சொல்லி ஒதுங்கிகி கொண்டார்.