விஷாலின் எனிமி...படப்பிடிப்பு, டீசர் ரிலீஸ் அப்டேட்டை வெளியிட்ட தயாரிப்பாளர்

தயாரிப்பாளர் வெளியிட்ட அப்டேட்

அதில் அவர், எனிமி அப்டேட் கேட்டுக் கொண்டிருப்பவர்களுக்காக இந்த பதிவை வெளியிடுகிறேன். நண்பர்களே, படத்தின் வேலைகள் 90 சதவீதம் முடிந்து விட்டது. இன்னும் 10 நாட்கள் படப்பிடிப்பு மட்டுமே பாக்கி உள்ளது. அது சென்னையில் நடைபெற உள்ளது.

டீசர் ரிலீஸ் எப்போது

அத்துடன் படத்தின் படப்பிடிப்புகள் முழுவதுமாக முடிந்து விடும். படப்பிடிப்பை முடித்த பிறகு இன்னும் 2 வாரங்களில் எனிமி படத்தின் டீசரை வெளியிட திட்டமிட்டுள்ளோம் என குறிப்பிட்டுள்ளார் வினோத். தயாரிப்பாளரின் இந்த ட்வீட் ரசிகர்களை மகிழ்ச்சி அடைய செய்துள்ளது.

பதிலடி கொடுத்த வினோத்குமார்

வினோத்குமாரின் இந்த பதிவிற்கு கருத்து பதிவிட்ட நெட்டிசன் ஒருவர், யாரு இப்போ அப்டேட் கேட்டது என கேள்வி எழுப்பி இருந்தார். அதற்கு முகத்தில் அரைந்தது போல் பதிலடி கொடுத்துள்ளார் வினோத். மரியாதையுடன் கருத்து பதிவிட வேண்டும் என வினோத் குமார் அளித்துள்ள சூடான பதில் ட்விட்டரில் பரபரப்பை ஏற்படுத்தி உள்ளது.

கூடுதல் ஹைலைட்

இதனால் டீசர் எப்போது வெளியாகும் என்ற எதிர்பார்ப்பு அனைவரிடமும் ஏற்பட்டுள்ளது. இதில் விஷால் ஹீரோவாகவும், அவருக்கு வில்லனாக ஆர்யாவும் நடிக்கின்றனர். நீண்ட இடைவெளிக்கு பிறகு விஷாலும், ஆர்யாவும் இணைந்து நடிப்பதும் ரசிகர்களுக்கு கூடுதல் ஹைலைட்டாக இருக்கும் என படக்குழு தெரிவித்துள்ளது.