Darbar:கெட்டபசங்க சார்.. ரஜினியை எங்க நிக்க வச்சிருக்காங்க பாருங்க.. பிரச்சினை வராம இருந்தா சரிதான்!

தர்பார் படங்கள்:

அதன் தொடர்ச்சியாக கடந்த சில தினங்களுக்கு முன்னர் ஏ.ஆர்.முருகதாஸே ரஜினியின் ஹெச்டி புகைப்படங்கள் இரண்டை வெளியிட்டார். அதை வைத்து ரசிகர்கள் அழகான போஸ்டர்கள் உருவாக்கலாம் எனவும் அவர் அறிவித்தார். அந்தப் போஸ்டர்களை படக்குழு அதிகாரப்பூர்வமாக பயன்படுத்தும் எனக் கூறவும், ரசிகர்கள் தங்கள் கற்பனைக் குதிரையை தட்டி ஓட விட ஆரம்பித்து விட்டனர்.

சட்டசபையில் ரஜினி:

இதனால் இணையத்தில் ரஜினியை வைத்து விதவிதமான போஸ்டர்கள் உலா வருகின்றன. சில போஸ்டர்கள் வில்லங்கமாக இருக்கின்றன. இந்தப் புகைப்படத்தில் ரஜினி தமிழக சட்டசபையில் நின்று பேசுவது போல் இந்த ரசிகர் டிசைன் செய்துள்ளார். ஏற்கனவே ரஜினியின் அரசியல் பிரவேசம் பற்றி பல்வேறு செய்திகள் உலா வரும் நிலையில், இந்தப் போஸ்டரில் அவரை முதல்வராகவே நிறுத்தி அழகு பார்த்து விட்டார் இந்த ரசிகர்.

போலீஸ் ரஜினி:

இந்த ரசிகர், ஏற்கனவே தர்பார் படத்தில் ரஜினி போலீசாக நடிப்பதை மனதில் வைத்து இந்தப் போஸ்டரை உருவாக்கி இருக்கிறார். ரஜினியின் கதாபாத்திரத்திற்கு தர்மா என்றும் பேர் வைத்துள்ளார். தர்மத்தினைக் காப்பவன் என்ற அர்த்தத்தில் இப்படி வைத்து விட்டார் போலும். ஆனால், இதுவும் அழகாகத்தான் இருக்கிறது.

நான்கு போஸ்டர்:

இவர் ஒன்றல்ல, நான்கு போஸ்டர்களை தயார் செய்திருக்கிறார். அதில் ஒன்றில் மும்பை நேவி என இருக்கிறது. இவரும் ரஜினியை வைத்து டிசைன் டிசைனாக போஸ்டர்களை உருவாக்கி இருக்கிறார்.

கத்தி ஸ்டைல்:

கத்தி விஜய் பட போஸ்டர் மாடலில் இந்த ரசிகர் ஒரு போஸ்டரை உருவாக்கியுள்ளார். அந்தப் போஸ்டரில், பர்ஸ்ட் லுக்கில் இருந்த, ‘நான் நல்லவனா இருக்கணுமா இல்ல கெட்டவனா மாறணுமா. அதை நீயே முடிவு செய்து கொள்' என்ற வாக்கியத்தையும் சேர்த்துள்ளார்.

ஹேஷ்டேக்:

இந்த ரசிகரும் இரண்டு போஸ்டர்களை உருவாக்கி இருக்கிறார். இரண்டும் மாஸாக இருக்கிறது. ரஜினியின் இந்த போஸ்டர்களை #darbarposterdesign என்ற ஹேஷ்டேக்கில் ரசிகர்கள் பகிர்ந்து வருகின்றனர். சிலர் ஓவர் ஆர்வக்கோளாறில் டிசைன் செய்யும் போஸ்டர்கள் படத்திற்கு பிரச்சினை ஆகாமல் இருந்தால் சரிதான்.