44வது பிறந்தநாள் கொண்டாடும் நடிகர் கார்த்தி.. ட்விட்டரில் ரசிகர்கள் கொண்டாட்டம்

நடிகராக அறிமுகம்

ஆரம்பத்தில் இயக்குனர் மணி ரத்தினத்திடம் உதவி இயக்குனராக பணி புரிந்த கார்த்தி நடிகராக அமீரின் பருத்திவீரன் படத்தில் அறிமுகமானார். முதல் படமே கார்த்திக்கு பெரிய வெற்றி படமாக அமைந்தது. அதன் காரணமாக கார்த்திக்கு தொடர்ந்து பட வாய்ப்புகள் வர தொடங்கின.

வரிசையாக வெற்றி

பின்னர் ஆயிரத்தில் ஒருவன் படத்தில் கார்த்தி நடித்தார். அதன் பின்னர் பையா, நான் மகான் அல்ல, சிறுத்தை, சகுனி, அலெக்ஸ் பாண்டியன் என படங்கள் வரிசையாக வெற்றி பெற்றன. இது வரை 20 படங்களில் நடித்துள்ளார் கார்த்தி. 20 படங்களும் வெவ்வேறு இயக்குனர்களுடன் பணியாற்றியுள்ளார்.

அடுத்தடுத்த படங்கள்

இந்த ஆண்டு கார்த்தியின் நடிப்பில் வெளியான சுல்தான் ஹிட் அடித்து கார்த்திக்கு சிறப்பான தொடக்கமாக அமைந்துள்ளது. பொன்னியின் செல்வன், சர்தார், கைதி 2 என கார்த்தியின் அடுத்தடுத்த படங்கள் மீது வேற ஒரு லெவலில் எதிர்பார்ப்பு ரசிகர்களிடம் நிலவி வருகிறது.

ட்விட்டர் கொண்டாட்டம்

கார்த்தியின் 44வது பிறந்தநாளை கொண்டாடும் வகையில் அவரது ரசிகர்கள் காமன் DP வெளியிட்டு #HappyBirthdayKarthi என்ற hastag உடன் தங்களது வாழ்த்துக்களை ட்விட்டரில் பதிவிட்டு கொண்டாடி வருகின்றனர். திரையுலக பிரபலங்களும் கார்த்திக்கு தொடர்ந்து வாழ்த்து தெரிவித்த வண்ணம் உள்ளனர்.