Don't Miss!
- Technology சுந்தர் பிச்சையின் இன்னொரு முகம்.. Ad Blocker ஆப்களுக்கு ஆப்பு அடிச்ச Google.. யூசர்களுக்கு Warning.. இனிமேல்?
- Sports IPL 2024 : ருதுராஜ் செய்த தவறு.. தவித்துப் போன சிஎஸ்கே.. LSG vs CSK போட்டியில் என்ன நடந்தது?
- News இன்று நாடு முழுக்க 60% வாக்குப்பதிவு.. நாகாலாந்தில் 6 மாவட்டத்தில் ஜீரோ வாக்குகள் பதிவு! என்ன காரணம்
- Lifestyle தளர்ந்து போன சருமத்தை இறுக்கமாக்கி ஜொலிக்கிற மாதிரி மாத்த ஆசைப்படுறீங்களா? இந்த இயற்கை பொருட்களை யூஸ் பண்ணுங்க
- Finance 9 GB டேட்டா ரூ. 1.20 கோடியா.. அதிர்ச்சியில் புளோரிடா தம்பதி!
- Travel வெறும் ரூ.150 இருந்தால் போதும் – நீங்கள் விமானத்தில் பயணம் செய்யலாம்!
- Education திறந்தநிலை படிப்புகளில் சேரும் மாணவர்களே உஷார்....ஏஐசிடிஇ எச்சரிக்கை...!
- Automobiles ஓட்டு போட வந்த பிரபலங்கள் எந்த கார்களில் வந்தார்கள் தெரியுமா? பாதிபேர் ஒரே மாதிரி கார்ல வந்திருக்காங்க!
பட்டையைக் கிளப்பும் கபாலி பாடல்கள்... உற்சாகத்தில் ரஜினி ரசிகர்கள்!
ரஜினி ரசிகர்கள் வாழ்க்கையில் இத்தனை உற்சாகத்தையும் சந்தோஷத்தையும் இதற்கு முன் அனுபவித்திருக்க மாட்டார்கள்.
நேற்று மாலை தொடங்கிய அவர்களின் சந்தோஷக் கொண்டாட்டம் இன்னும் தொடர்ந்து கொண்டிருக்கிறது.
எல்லாம் கபாலி படத்தின் புது ஸ்டில்கள், இசை, பாடல்கள் வெளியாகத் தொடங்கியதுமே ரசிகர்கள் மனதில் தீப் பிடிக்கத் தொடங்கிவிட்டது.
கபாலியின் முதல் பாடலை நேற்று இரவு 12 மணிக்கு வெளியிடுவதாக முதலில் அறிவித்தார் தயாரிப்பாளர் தாணு. ஆனால் ரசிகர்களை அவ்வளவு நேரம் காக்க வைக்க விரும்பவில்லை என்று கூறி 10 மணிக்கே 'உலகம் ஒருவனுக்கா' பாடலை வெளியிட்டார்கள். ஆங்கில ராப் வரிகளுடன் அமைந்த அந்த தமிழ்ப் பாடலைக் கேட்டு ஆனந்தத் தாண்டவம் ஆடித் தீர்த்தார்கள் ரசிகர்கள்.
அதன் பிறகு படிப்படியாக அனைத்துப் பாடல்களையுமே வெளியிட்டுவிட்டது, திங் மியூசிக் நிறுவனம்.
மொத்தம் 5 பாடல்கள்.
இந்தப் பாடல்கள் வெளியாகும்போதே, படத்தின் புதுப்புது ஸ்டில்களையும் வெளியிட ஆரம்பித்தது திங் மியூசிக். அந்தப் படங்களைப் பார்த்து மிகுந்த உற்சாகமடைந்த ரசிகர்கள், அவற்றை ட்ரெண்டாக்கி இணைய வெளியை அதிர வைத்தனர்.
சமூக வலைத் தளங்கள் அனைத்திலும் ஒன்றிலிருந்து பத்து இடங்களை கபாலி, ரஜினி, கபாலி பாடல்கள், மகிழ்ச்சி போன்ற ஹேஷ் டேக்குகளே ஆக்கிரமித்து ட்ரெண்டிங்கில் புது சாதனைப் படைத்தது.
ரஜினி படங்களில் இதுவரை இப்படி ஒரு வீச்சைப் பார்த்ததில்லை என்று பலரும் கருத்துத் தெரிவித்துள்ளனர்.
இன்று தமிழகம், மும்பை, ஹைதராபாத் போன்ற பல இடங்களில் கபாலியின் ஆடியோ வெளியீட்டை தங்கள் சொந்த செலவில் விழாவாக எடுத்துக் கொண்டாடி வருகிறார்கள் ரஜினி ரசிகர்கள்.