Don't Miss!
- News ஜெய் ஸ்ரீராம் போலோ.. "பிஸ்னஸ் மேன்" கையை தூக்கிய கேப்பில்! ரூ.36000 அபேஸ்! பாஜக பிரச்சாரத்தில் திக்
- Lifestyle எச்சரிக்கை! எக்காரணம் கொண்டும் இந்த 5 அறிகுறிகளை புறக்கணிக்காதீங்க.. ரொம்ப அவதிப்படுவீங்க..
- Finance இனி பீட்சா முதல் பெப்சி வரை இவர்கள் கையில் தான்..!! வாரிசு கைக்கு மாறும் ஆர் ஜே கார்ப்பரேஷன்..!
- Technology கம்ப்யூட்டர் Keyboard: F மற்றும் J கீயில் மட்டும் கோடு இருப்பது ஏன்? இது தெரியாம டைப் செஞ்சா கேலி செய்வாங்க..
- Automobiles இவ்வளவு கம்மி விலையா? பஜாஜ் பல்சர் 400 பைக்கின் அறிமுக தேதி உறுதியானது!
- Sports சிஎஸ்கே அணிக்கு சிக்கல்.. பிளே-ஆஃப் வாய்ப்புக்கு ஆப்பு வைத்த 2 அணிகள்.. இனி என்ன செய்ய வேண்டும்?
- Education மாணவர்களுக்கோர் ஓர் நற்செய்தி.. நான்கு ஆண்டு இளங்கலை பட்டப்படிப்பு படித்தவர்கள் பிஎச்.டி.யில் சேர
- Travel இந்துக்களுக்கும் கூட தெரியாத ரகசியங்கள் இவை தான் – உங்களுக்கு இவற்றில் எந்த உண்மை தெரியும்?
ஜெயலலிதா மடியில் ஸ்ரீதேவி.. வைரலாகும் புகைப்படம்.. இருவரையும் மறக்க முடியாமல் தவிக்கும் நெஞ்சங்கள்!
சென்னை: சினிமா மற்றும் அரசியல் உலகை கலக்கிய மறைந்த முதல்வர் ஜெயலலிதாவின் 73வது பிறந்தநாள் இன்று அனுசரிக்கப்படுகிறது.
அதே போல இந்திய சினிமாவையே கலக்கிய நடிகை ஸ்ரீதேவியின் மூன்றாம் ஆண்டு நினைவு நாளும் இன்று தான்.
இருவரையும் ஒன்றாக நினைக்கும் வண்ணமாக ஜெயலலிதா மடியில் ஸ்ரீதேவி அமர்ந்திருக்கும் புகைப்படத்தை ரசிகர்கள் வைரலாக்கி ஹாஷ்டேக்குகளை டிரெண்ட் செய்து வருகின்றனர்.
ஜெயலலிதா பிறந்தநாள்
1948ம் ஆண்டு ஜனவரி 24ம் தேதி பிறந்தவர் ஜெயலலிதா. 1961ம் ஆண்டு முதல் 1980ம் ஆண்டு வரை கிட்டத்தட்ட 140 படங்களில் நடித்து சினிமா உலகை ஆட்சி செய்த ஜெயலலிதா. எம்.ஜி.ஆர் மறைவுக்கு பிறகு அதிமுகவை வழிநடத்தி 6 முறை தமிழ்நாட்டின் முதல்வராக ஆட்சி செய்தவர். கடந்த 2016ம் ஆண்டு டிசம்பர் 5ம் தேதி உடல்நலக் குறைவு காரணமாக காலமானார். ஜெயலலிதாவின் பிறந்தநாளை முன்னிட்டு தமிழ்நாடு முழுவதும் கொண்டாட்டங்கள் அரங்கேறி வருகின்றன.
ஸ்ரீதேவி நினைவுநாள்
மீனாம்பட்டியில் பிறந்து கோலிவுட் முதல் பாலிவுட் வரை தனது நடிப்பால் கலக்கிய நடிகை ஸ்ரீதேவி கடந்த 2018ம் தேதி பிப்ரவரி 24ம் தேதி துபாய் ஹோட்டலில் விபத்து காரணமாக உயிர் துறந்தார். ஸ்ரீதேவி மறைந்து 3 ஆண்டுகள் ஆனதையும் சினிமா ரசிகர்கள் நினைத்து உருகி வருகின்றனர்.
டிரெண்டிங்
#Sridevi மற்றும் #Jayalalitha என்கிற ஹாஷ்டேக்குகளை உருவாக்கி இருவரையும் மக்கள் நினைத்து வருகின்றனர். அதுமட்டுமின்றி, நடிகை ஸ்ரீதேவி மற்றும் ஜெயலலிதா இருவரையும் சேர்ந்து நினைக்கும் விதமாக ஒரு புகைப்படத்தையும் ரசிகர்கள் வைரலாக்கி வருகின்றனர்.
ஜெ மடியில் ஸ்ரீதேவி
எம்.ஜி.ஆர்., ஜெயலலிதா நடித்து வந்த காலத்திலேயே குழந்தை நட்சத்திரமாக அறிமுகமானவர் ஸ்ரீதேவி. ஆதிபராசக்தி படத்தில் பார்வதி அம்மனாக ஜெயலலிதா நடித்த நிலையில், அவரது மடியில் முருக கடவுளாக நடித்த ஸ்ரீதேவி அமர்ந்திருக்கும் புகைப்படத்தை பதிவிட்டு இருவரும் இன்று நம்முடன் இல்லையே என ஏகப்பட்ட ரசிகர்கள் வருந்தி வருகின்றனர்.