மீனாவின் திருமண நாள் பதிவு.. பரிதவிப்பில் குடும்பம்.. கவலையில் ரசிகர்கள்!

நடிகை மீனா

சிறுவயதிலிருந்து நடித்துவரும் நடிகை மீனா சிவாஜி, ரஜினி, கமல் உள்ளிட்டவர்களுடன் இணைந்து நடித்துள்ளார். இவரது குழந்தைத்தனமான குரல் மற்றும் செயல்பாடுகள் அனைவரையும் கவர்ந்தன. தென்னிந்திய அளவில் மிகச்சிறப்பான நடிகையாக இவர் காணப்பட்டார். தொடர்ந்து கடந்த 2009ல் வித்யாசாகர் என்ற சாப்ட்வேர் இன்ஜினியரை இவர் திருமணம் செய்துக் கொண்டார்.

தொடர்ந்து நடிப்பு

திருமணத்திற்கு பிறகும் தன்னுடைய அழகு மற்றும் உடலை சிறப்பாக பராமரித்து வந்த மீனாவிற்கு தொடர்ந்து சிறப்பான வேடங்கள் அமைந்தன. மலையாளம், தமிழ் என சிறந்த கதாபாத்திரங்களை தேர்ந்தெடுத்து இவர் நடித்து வந்தார். இவர் தற்போதும் இளமையாக காணப்படுவதாக நடிகர் ரஜினி அண்ணாத்த படத்தின் சூட்டிங்கின்போது பாராட்டியிருந்தார்.

விஜய்யுடன் நடித்த நைனிகா

இதனிடையே மீனாவின் மகள் நைனிகாவும் தெறி உள்ளிட்ட சில படங்களில் நடித்துள்ளார். விஜய்யுடன் இவர் நடித்த அந்த கேரக்டர் மிகவும் சிறப்பாக அமைந்தது. விஜய்யின் உண்மையான மகளாகவே இந்தப் படத்தில் அவர் காணப்பட்டார். அந்த அளவிற்கு இருவருக்கும் இடையிலான நடிப்பு சிறப்பாக அமைந்தது.

வித்யாசாகர் மரணம்

கடந்த 2009 ஜூலை 12ம் தேதி மீனா -வித்யாசாகர் திருமணம் நடைபெற்ற நிலையில், இன்னும் சில தினங்களில் இவர்களின் திருமண நாள் வருகிறது. இந்நிலையில் தற்போது வித்யாசாகர் உயிரிழந்துள்ளது மீனா மற்றும் நைனிகாவை மட்டுமில்லாமல் அவர்களது ரசிகர்களையும் கவலையடைய செய்துள்ளது.

திருமண நாள் பகிர்வு

இந்நிலையில் கடந்த ஆண்டில் மீனா தன்னுடைய திருமண நாளின்போது பதிவிட்ட பகிர்வை தற்போது ரசிகர்கள் சமூக வலைதளங்களில் ஷேர் செய்து வருகின்றனர். அதில் தங்களின் சிறப்பான புகைப்படத்தை பகிர்ந்த மீனா, வானவில் போல தன்னுடைய வாழ்க்கையில் வந்து அதை அழகாக்கியுள்ளதாக அவர் கூறியுள்ளார்.

புன்னகையை பரிசளித்த வித்யாசாகர்

தொடர்ந்து வித்யாசாகர் தனக்கு புன்னகையை பரிசளித்துள்ளதாகவும் அவர் தெரிவித்திருந்தார். இந்நிலையில் இன்னும் சில தினங்களில் இவர்களது திருமண நாள் வருவதையொட்டி மீனா மட்டுமில்லாமல் ரசிகர்களும் மிகுந்த கவலையில் உள்ளனர். நைனிகாவின் நிலையை சொல்லவே வேண்டாம்.