»   »  முகமது நபிகள் பற்றிய படம்: ஏ ஆர் ரஹ்மான் & ஈரான் பட இயக்குநருக்கு எதிராக ஃபத்வா!

முகமது நபிகள் பற்றிய படம்: ஏ ஆர் ரஹ்மான் & ஈரான் பட இயக்குநருக்கு எதிராக ஃபத்வா!

Posted By:
Subscribe to Oneindia Tamil

மும்பை: முகமத் என்ற பெயரில் முகமது நபிகளின் வாழ்க்கை வரலாற்றைப் படமாக எடுத்த ஈரானிய இயக்குநர் மஜித் மஜிதி மற்றும் அந்தப் படத்துக்கு இசையமைத்த ஏ ஆர் ரஹ்மான் ஆகியோகுக்கு ஃபத்வா விதிக்கப்பட்டுள்ளது.

மும்பையைச் சேர்ந்த சன்னி பிரிவு அமைப்பான ரஸாக் அகாடமி இந்த ஃபத்வாவை அறிவித்துள்ளது.

Fatwa against AR Rahman, Majid Majidi

மஜித் மஜிதி எடுத்துள்ள முகமத் - மெஸஞ்சர் ஆப் காட் படம் இஸ்லாத்தின் அடிப்படைக் கோட்பாடுகளுக்கு எதிரானது என்று அறிவித்துள்ள இந்த அமைப்பு, எந்த முஸ்லிமும் இந்தப் படத்தைப் பார்க்கக் கூடாது என்று அறிவித்துள்ளது.

இந்தப் படத்தை இந்தியாவில் தடை செய்யுமாறு மத்திய உள்துறை அமைச்சர் ராஜ்நாத் சிங் மற்றும் மராட்டிய முதல்வர் தேவேந்திர பட்னாவிஸுக்கு கடிதமும் எழுதியுள்ளது இந்த அமைப்பு.

அந்த ஃபத்வாவில், "நபிகளின் வார்த்தைதான் அனைத்தும். அவரின் உருவமோ, காட்சியோ வைத்திருக்கக் கூடாது என்கிறது இஸ்லாத். அதற்கு எதிரானது இந்தப் படம்.

இஸ்லாத்தை கேலி செய்யும் விதத்தில் உள்ள இந்தப் படத்தில் தொழில்முறை முஸ்லிம் கலைஞர்களும், பிற மதக் கலைஞர்களும் பணியாற்றியுள்ளனர்.

இஸ்லாத்துக்கு விரோதமான ஒரு படத்தில் பணியாற்றியதன் மூலம் மஜித் மஜிதியும், ஏ ஆர் ரஹ்மானும் தெரிந்தே இஸ்லாத்தின் சட்டங்களை மீறியிருக்கிறார்கள்.

அவர்கள் இருவரும் கல்மாவை மீண்டும் படிக்க வேண்டும். தங்களின் திருமணத்தை மீண்டும் நடத்தி அவர்கள் புனிதப்படுத்திக் கொள்ளவேண்டும்," என்று குறிப்பிடப்பட்டுள்ளது.

For Quick Alerts
ALLOW NOTIFICATIONS
For Daily Alerts

    English summary
    A Mumbai-based Sunni Muslim group has issued a fatwa against celebrated Iranian filmmaker Majid Majidi and Indian music composer A R Rahman. The fatwa, issued by Raza Academy, demands that Muslims reject Majidi’s film titled ‘Muhammad: Messenger of God’ — first of the trilogy on the life of Prophet Mohammad.

    சினிமா செய்திகள், விமர்சனங்களை உடனுக்குடன் தெரிந்து கொள்கಿ - Filmibeat Tamil

    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Filmibeat sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Filmibeat website. However, you can change your cookie settings at any time. Learn more