இந்தக் கொடுமைய என்னானு சொல்ல.. ’90 எம் எல்’க்காக ஆவேசமாக அடித்துக் கொண்ட ‘அங்கிள், ஆன்டி’!

நஞ்சை விதைக்காதீர்கள்:

இந்நிலையில், 90 எம் எல் படம் பற்றிய ஒரு விமர்சனத்தைப் பதிவிட்டு, `90 எம்.எல்' திரைப்படம் இந்தச் சமூகத்தை சீரழிக்கிறது. சமூகத்தின் மேல் அக்கறை வையுங்கள். நீங்கள் பணம் சம்பாதிக்க இளம் தலைமுறையினரிடம் நஞ்சை விதைக்காதீர்கள்" என புதிதாக அவர் ஒரு டிவீட் வெளியிட்டுள்ளார்.

டியர் அங்கிள்:

தனஞ்செயனின் இந்த டிவீட்டைப் பார்த்து கோபமடைந்த அனிதா உதீப், அதற்குப் பதிலடி தரும் விதமாக, "அங்கிள், சமூக கருத்து சொல்லும்படியான ஆபாச பாடல்களைக் கொண்ட 'சந்திரமௌலி' படத்தை ஒன்றும் நான் இயக்கவில்லை" என தனது பதிவில் தெரிவித்திருந்தார்.

வல்கர் இல்லை:

இந்தப் பதிவைப் பார்த்த தனஞ்செயன், "எனக்குப் புரிகிறது ஆன்டி. ஆனால், ஒரு பாடலை இயக்குவது இயக்குநரின் முடிவு. நான் இந்த மாதிரி பாடல்கள் வேண்டும் என்று ஒருபோதும் கேட்பதில்லை. இது கிளாமராக இருக்கிறதே தவிர வல்கராக இல்லை.

தவறான ஒப்பீடு:

இந்தப் பாடல் பல பாராட்டுகளை பெற்றது. அதனால்தான் இதற்கு யு/ஏ சான்றிதழ் கிடைத்தது. உங்கள் படத்தைப்போல் `ஏ' சான்றிதழ் இல்லை. தவறாக ஒப்பிடாதீர்கள்" என்று மற்றொரு டிவீட் வெளியிட்டார்.

ப்ளீஸ் ஓடாதீங்க:

இறுதியில், "சார் உங்களுடன் விவாதிக்கிறதே போர் அடிக்குது. கொஞ்சம் சுவாரஸ்யமாகவோ ஸ்மார்ட்டாகவோ சொன்னால் இன்னும் உற்சாகமாக இருக்கும்" எனப் பதிவு வெளியிட்டார் அனிதா. ஆனால் அதற்கு தனஞ்செயனிடம் இருந்து பதில் வராததால், ``ஓடாதீங்க ப்ளீஸ். உங்களை வெச்சு இன்னும் கொஞ்சம் காமெடி பண்ணலாம்னு இருக்கேன்" என்று டிவீட் செய்துள்ளார் அவர். இப்படியாக டிவிட்டர் வாயிலாக வாக்குவாதத்தில் இருவரும் ஈடுபட, இவர்களது பதிவுகளை வைத்து ரசிகர்களும் தங்களுக்குள் கருத்து மோதலில் ஈடுபட்டனர் என்பது குறிப்பிடத்தக்கது.