twitter
    For Quick Alerts
    ALLOW NOTIFICATIONS  
    For Daily Alerts

    மத்திய அரசின் சேவை வரிக்கு எதிர்ப்பு- 7-ந் தேதி திரைஉலகம் உண்ணாவிரதம்!

    By Mathi
    |

    Rajini and Kamal in Fasting
    சென்னை: திரை உலகினருக்கான மத்திய அரசின் சேவை வரி விதிப்பைக் கண்டித்து வரும் 7-ந் தேதி ஒட்டுமொத்த திரை உலகமும் உண்ணாவிரதப் போராட்டம் நடத்த இருக்கிறது.

    மத்திய அரசு விதித்துள்ள சேவை வரிக்கு எதிர்ப்பு தெரிவித்து தமிழ் திரையுலகின் அனைத்து பிரிவுகளை சேர்ந்தவர்களின் அவசர கூட்டம் சென்னையில் உள்ள தென் இந்திய திரைப்பட வர்த்தக சபையில் நேற்று மாலை நடைபெற்றது. இக் கூட்டத்தில் தமிழ் திரைப்பட தயாரிப்பாளர்கள் சங்க தலைவர் எஸ்.ஏ.சந்திரசேகரன், பொருளாளர் எஸ்.தாணு, தென் இந்திய நடிகர் சங்க தலைவர் சரத்குமார், பொதுச் செயலாளர் ராதாரவி, தென் இந்திய திரைப்பட தொழிலாளர் சம்மேளன செயலாளர் ஜி.சிவா, டைரக்டர்கள் சங்க பொருளாளர் ஜனநாதன், சின்னத்திரை சார்பில் ராஜேந்திரன் ஆகியோர் கலந்துகொண்டார்கள்.

    கூட்டத்தில் நிறைவேற்றப்பட்ட தீர்மானங்களை விளக்கி நடிகர் சங்க தலைவர் சரத்குமார் கூறுகையில், 2010- ம் ஆண்டிலேயே திரைப்பட தயாரிப்பாளர்களுக்கு நேர்முகமாகவும், வினியோகஸ்தர்கள் மற்றும் திரையரங்க உரிமையாளர்களுக்கு மறைமுகமாகவும் சுற்றறிக்கை மூலம் சேவை வரி விதிக்க முயற்சி எடுக்கப்பட்டது. ஒட்டுமொத்த திரையுலகின் கோரிக்கைகளை ஏற்று அப்போதைய நிதி அமைச்சர் பிரணாப் முகர்ஜி திரையுலகிற்கு சேவை வரி இருக்காது என்று அறிவித்தார். ஆனால், 2012-ல் மத்திய நிதிநிலை அறிக்கையில் திரைப்பட தயாரிப்பாளர்கள், விநியோகஸ்தர்கள், திரையரங்க உரிமையாளர்கள் தவிர ஏனைய திரைப்பட தொழிலில் ஈடுபட்டுள்ள அனைத்து பிரிவினருக்கும், தொலைக்காட்சி தொழிலாளர்களுக்கும் 1.7.2012 முதல் 12.3% சேவை வரி அமலுக்கு கொண்டுவரப்பட்டுள்ளது.

    இதனால் சாதாரண மக்களின் பொழுது போக்காக கருதப்படும் திரைப்படம், தொலைக்காட்சி தொழிலில் ஈடுபட்டுள்ள நடிகர்கள், இயக்குனர்கள், தொழில்நுட்ப கலைஞர்கள் இந்த வரி விதிப்பால் மிகுந்த பாதிப்பை அடைந்து உள்ளனர். எனவே, சேவை வரி விதிப்பை கண்டித்து ஒட்டுமொத்த திரையுலகமும் ஜனவரி 7- ந் தேதி அன்று உண்ணாவிரத போராட்டம் நடத்த இருக்கிறார்கள். அன்றைய தினம் சினிமா படப்பிடிப்புகள் மற்றும் திரைப்பட காட்சிகள் அனைத்தும் ரத்து செய்யப்படும் என்றார்.

    English summary
    Various bodies of the south Indian film industry will take part in a one-day token fast on January 7, 2013 to protest against the 12.36 per cent service tax imposed by the Union government on all crafts of film and small screen industries, said president of South Indian Film Artistes' Association, Sarath Kumar, here on Sunday.
    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X