Don't Miss!
- Technology SBI வங்கி கணக்குடன் உங்களது புதிய மொபைல் எண் இணைக்க வேண்டுமா? இதோ எளிய வழிமுறைகள்..
- Sports ஒதுக்கி வைக்கப்பட்டாரா? ஐபிஎல் தொடரின் நம்பர் 1 பவுலருக்கு இந்திய அணியில் இடமில்லை.. காரணம் என்ன?
- Education புதுச்சேரியில் பிஎஸ்சி நர்சிங் படிப்பதற்கு நுழைவுத் தேர்வு...!
- News ஆக்கிரமிப்பு நிலமா? எவ வேலுவின் மனைவி தலைவராக உள்ள கல்லூரி உரிமத்தை ரத்து செய்ய மறுத்த ஹைகோர்ட்
- Lifestyle இரத்தத்தில் ஹீமோகுளோபின் அளவு அதிகரிக்கனுமா?.. இதை சாப்பிடுங்கள்..!
- Finance புது ATM கார்டு ரூல்ஸ்.. இனி ஆன்லைன் மோசடிக்கு வாய்ப்பே இல்ல!
- Automobiles இவ்ளோ அழகா பிக்-அப் டிரக்கா! குடும்பத்தோட மட்டுமல்ல வீட்டையே காலி பண்ணிட்டு போகலாம்.. நிறைய வழிகளில் யூஸ் பண்ண
- Travel இந்துக்களுக்கும் கூட தெரியாத ரகசியங்கள் இவை தான் – உங்களுக்கு இவற்றில் எந்த உண்மை தெரியும்?
பிக்பாஸ் வீட்டில் தீ விபத்து... பல கோடி மதிப்பிலான செட் சேதம்!
Recommended Video
சென்னை : தமிழில் பிக்பாஸ் நிகழ்ச்சியை கமல்ஹாசன் நடத்தியதைப் போலவே, கன்னடம், தெலுங்கு உள்ளிட்ட மொழிகளிலும் அந்தந்த மொழியில் பிரபலமாக இருக்கும் நட்சத்திரங்களை வைத்து பிக்பாஸ் நிகழ்ச்சி நடத்தப்படுகிறது.
தமிழ் பிக்பாஸ் நிகழ்ச்சி சில மாதங்களுக்கு முன் முடிவடைந்தது. அதேபோன்று கன்னட மொழியில் நடத்துவதற்கு பெங்களூர் அருகே உள்ள பிடதியில் உள்ள இன்னோவேட்டிவ் ஃபிலிம் சிட்டியில் பிக்பாஸ் வீடு செட் அமைக்கப்பட்டுள்ளது.
இந்த பிரமாண்ட வீட்டில் நேற்று அதிகாலை 3 மணிக்கு தீவிபத்து ஏற்பட்டது. இந்த தீ விபத்தால் பல கோடி மதிப்புள்ள பொருட்கள் சேதமடைந்துள்ளன.
கன்னட பிக்பாஸ்
கர்நாடக மாநிலம் பிடதி அருகே 'இன்னோவேடிவ் ஃபிலிம் சிட்டி' உள்ளது. இங்கு தான் பிரபலமான பிக்பாஸ் நிகழ்ச்சி ஷூட் நடத்தப்பட்டு வருகிறது. இதற்காக அங்கு பல கோடி ரூபாய் செலவில் வீடு போன்ற பிரமாண்ட அரங்கம் அமைக்கப்பட்டு இருந்தது.
பிரமாண்ட செட்
முதல் 2 ஆண்டுகள் கன்னட பிக்பாஸ் நிகழ்ச்சி புனேயில் தான் நடத்தப்பட்டது அதன்பிறகு, கடந்த 3 ஆண்டுகளாக தொடர்ந்து பெங்களூரில் நடைபெற்று வந்தது. சமீபத்தில் தான் 5-வது ஆண்டுக்கான பிக்பாஸ் நிகழ்ச்சி நடத்தப்பட்டு நிறைவு பெற்றது. இதற்காக அமைக்கப்பட்ட பிரமாண்ட அரங்கை மக்கள் கண்டுகளிக்க அனுமதிக்கப்பட்டு இருந்தனர்.
பிக்பாஸ் வீட்டில் தீ
இந்த நிலையில், நேற்று அதிகாலை 3 மணியளவில் அந்தப் பகுதியில் திடீரென்று தீப்பிடித்தது. அந்த தீ மளமளவென மற்ற பகுதிகளுக்கும் பரவியது. அத்துடன் பிக்பாஸ் நிகழ்ச்சிக்காக அமைக்கப்பட்டு இருந்த பிரமாண்ட அரங்குக்கும் தீ பரவி எரிந்தது. இதை பார்த்த அங்கிருந்தவர்கள் அதிர்ச்சி அடைந்தனர்.
பரவிய தீ
பிக்பாஸ் வீடு எடை குறைவான பலகைகள் மற்றும் தெர்மாகோல் வைத்து அமைக்கப்பட்டிருந்ததால் தீ மளமளவென பரவி வீடு முழுவதும் பற்றி எரிந்தது. இதுபற்றி அவர்கள் உடனடியாக தீயணைப்பு படையினருக்கும், பிடதி போலீசாருக்கும் தகவல் கொடுத்தார்கள். உடனே போலீசார் மற்றும் வீரர்கள் விரைந்து வந்தார்கள்.
போலீசார் விசாரணை
அவர்கள் விரைந்து வந்து போராடி தீயை அணைத்தனர். ஆனாலும் பிக்பாஸ் வீட்டின் பெரும்பகுதி எரிந்து சாம்பலாகி விட்டது. சேத மதிப்பு சுமார் 8 கோடி என்கிறார்கள். பிக்பாஸ் வீட்டில் யாரும் இல்லாததால் உயிர்சேதம் எதுவும் ஏற்படவில்லை. இந்தச் சம்பவம் குறித்து பிடதி போலீசார் விசாரணை நடத்தி வருகிறார்கள்.