வெளியானது மாநாடு பாடல் சிங்கிள் டீசர்... வேற லெவல் வைரலாக்கிய சிம்பு ரசிகர்கள்

தியேட்டரில் தான் ரிலீஸ்

படத்தை தியேட்டரில் ரிலீஸ் செய்வதில் படக்குழு உறுதியாக உள்ளது. இதனால் படத்தின் ரிலீஸ் தேதி தொடர்ந்து தள்ளி போடப்பட்டு வருகிறது. சமீபத்தில் படத்தின் முதல் சிங்கிள் டிராக் பாடல் பற்றிய அறிவிப்பை இசையமைப்பாளர் யுவன்சங்கர் ராஜா வெளியிட்டார்.

இன்று சிங்கிள் டீசர்

இதைத் தொடர்ந்து படத்தின் முதல் சிங்கிள் டீசர் இன்று மாலை 6 மணிக்கு வெளியிடப்பட உள்ளதாக படத்தின் ஹீரோ சிம்பு அறிவித்தார். இது சிம்புவின் ரசிகர்களுக்கு இன்ப அதிர்ச்சியாக இருந்தது.

மெஹரிஜைல்லா சிங்கிள் பாடல்

மெஹரிஜில்லா என பெயரிடப்பட்டுள்ள இந்த சிங்கிள் ரிலீஸ் பற்றி யுவனும் தனது இன்ஸ்டாகிராம் பக்கத்தில் அறிவித்தார். இதைத் தொடர்ந்து யுவன் சங்கர்ராஜா ட்விட்டரில் ரெஹரிஜைல்லா பாடலின் சிங்கிள் டீசரை வெளியிட்டார். இதன் முழு பாடல் ஜுன் 21 அன்று வெளியிடப்படும் என தெரிவித்துள்ளார்.

சிங்கிள் டீசருக்கே இத்தனை பார்வையா

இந்த டீசர் வெளியிடப்பட்ட ஒரு மணி நேரத்திலேயே யூட்யூப்பில் ஒன்றரை லட்சத்திற்கும் அதிகமானவர்கள் பார்த்துள்ளனர். வீக்கென்ட் கொண்டாட்டமாக இந்த டீசர் வெளியிடப்பட்டுள்ளதாக யுவர்சங்கர் ராஜா தெரிவித்துள்ளார். இந்த பாடலை சிம்பு ரசிகர்கள் கொண்டாடி வருகின்றனர்.

அடுத்தடுத்த சிம்பு படங்கள்

வெங்கட் பிரபு இயக்கி உள்ள இந்த படத்தை சுரேஷ் காமாட்சி தயாரித்துள்ளார். ஈஸ்வரன் படத்திற்கு பிறகு சிம்புவும், அவரது ரசிகர்ளும் அதிகம் காத்திருப்பது மாநாடு படத்திற்காக தான். இதைத் தொடர்ந்து பத்து தல படத்திலும் சிம்பு நடித்து வருகிறார்.