பிக் பாஸ் 3: போனதடவை அனந்த் வைத்தியநாதன்.. இந்த தடவை ‘இசை’ யாரு தெரியுமா?

ஜாங்கிரி மதுமிதா:

அந்தவகையில் ஜாங்கிரி மதுமிதா ஒரு போட்டியாளர் என்பது ஏறக்குறைய உறுதியாகி விட்டது. பிக் பாஸ் நிகழ்ச்சியில் அவர் பங்கேற்கிறார் என்ற செய்திகளுக்கு அவர் மறுப்பு தெரிவிக்காததே, அதற்கு முக்கியக் காரணம். ஆனால், அவர் நிஜமாகவே போட்டியாளரா என்பது நிகழ்ச்சி ஒளிபரப்பு நாளன்று தான் தெரியும்.

பாடகர் மோகன் வைத்யா:

இந்நிலையில், பிக் பாஸ் வீட்டிற்கு செல்லும் மற்றொரு போட்டியாளர் மோகன் வைத்யா என ஒரு தகவல் இணையத்தில் உலா வருகிறது. பாடகர், நடிகர், இசைக்கலைஞர் என பன்முகத் திறமையாளரான மோகன் வைத்யா இம்முறை பிக் பாஸ் நிகழ்ச்சியில் போட்டியாளராக கலந்து கொள்கிறார் எனக் கூறப்படுகிறது. சேது, அந்நியன் உள்ளிட்ட சில படங்களில் நடித்துள்ளார் மோகன் வைத்யா.

அனந்த் வைத்தியநாதன்:

கடந்த சீசனில் வாய்ஸ் எக்ஸ்பர்ட் அனந்த் வைத்தியநாதன் ஒரு போட்டியாளராக கலந்து கொண்டார். ஆனால், அவரால் அந்த வீட்டில் நீடித்து இருக்க முடியவில்லை. மற்ற போட்டியாளர்களுடன் அவரால் சரிவர பழக முடியவில்லை. ஒருமுறை டேனியல் அவரை ‘இசை' எனக் கூறியதால், கோபப்பட்டு சண்டைகூட போட்டார்.

இம்முறை இசை:

அந்தவகையில் இம்முறையும் இசைத் துறையைச் சேர்ந்த ஒருவர் பிக் பாஸ் போட்டியாளராகி இருப்பது மக்களிடையே எதிர்பார்ப்பை அதிகரிக்கச் செய்துள்ளது. கடந்த முறை அனந்த் பாடலால் பிக் பாஸ் வீடே இனிமையாக இருந்தது.இம்முறை மோகன் அந்த வேலையைச் செய்வார் எனத் தெரிகிறது.