என்னது...ராக்கெட்ரி பட கதை உண்மை இல்லையா?...பகீர் கிளப்பும் இஸ்ரோ விஞ்ஞானிகள்

விஞ்ஞானிகள் குழு அளித்த தகவல்

ஆகஸ்ட் 24 ம் தேதி கேரள மாநிலம் திருவனந்தபுரத்தில் முன்னாள் இஸ்ரோ விஞ்ஞானிகள் குழுவினர் பத்திரிகையாளர்களை சந்தித்தனர். செய்தியாளர் சந்திப்பில் பேசிய அவர்கள், முன்னாள் விஞ்ஞானி நம்பி நாராயண் கைது செய்யப்பட்ட போது நாடு கிரையோஜெனிக் என்ஜின்களை உருவாக்குவதில் மிகவும் தாமதத்தை சந்தித்தது.

பத்மபூஷனே கொடுக்கல

அதே நேரத்தில் நாடு பெரும் நிதி இழப்பை சந்தித்தது.விஞ்ஞானி நம்பி நாராயணன் தவறான தகவல்களை பரப்பி வருகிறார். படத்தில் காட்டப்பட்டுள்ள அனைத்தும் உண்மையல்ல. முன்னாள் விஞ்ஞானியான இவருக்கு இஸ்ரோவில் பணிபுரிந்ததற்காக பத்மபூஷன் விருது கிடைக்கவில்லை.

கலாம் உதவியதும் உண்மையில்லையா

நம்பி நாராயணன் கிரையோஜெனிக் என்ஜின்களில் பணிபுரிந்த குழுவில் கூட இல்லை. நம்பி நாராயணன், ஏபிஜே அப்துல் கலாமுடன் மிகக் குறுகிய காலம் மட்டுமே பணியாற்றினார். நம்பி நாராயணன் அப்துல் கலாம் தவறு செய்தபோது அவருக்கு உதவியது மற்றும் திருத்தியது போல் படத்தில் கூறப்படுவது போல் எதுவும் இல்லை என தெரிவித்துள்ளனர்.

எதை நம்புறதுனே தெரியல

ராக்கெட்ரி படம் ஏற்கனவே பட பிரச்சனைகள், சர்ச்சைகளில் சிக்கி வெளியே வந்த நிலையில், தற்போது படத்தில் கூறப்பட்டுள்ள தகவல்கள் பலவும் பொய்யானவை என இஸ்ரோ முன்னாள் விஞ்ஞானிகள் குழுவினர் தெரிவித்துள்ளது பலரையும் அதிர்ச்சி ஆக்கி உள்ளது. முக்கியமான பயோபிக் படத்தில் தவறான தகவல்கள் என்றால், அப்படியானால் பயோபிக் படங்களை எப்படி நம்புவது என பலரும் குழப்பத்துடன் சந்தேகம் கிளப்பி வருகின்றனர்.