twitter
    For Quick Alerts
    ALLOW NOTIFICATIONS  
    For Daily Alerts

    பாகன், மன்னாரு, கள்ளப்பருந்து, அரக்கோணம்... வெள்ளிக்கிழமை ஸ்பெஷல்

    By Shankar
    |

    இன்று வெள்ளிக்கிழமை. வழக்கம் போல, பண்டிகை - விசேஷ நாட்களைவிட அதிக படங்கள் இன்று வெளியாகின்றன.

    பாகன், மன்னாரு, கள்ளப்பருந்து, அரக்கோணம் ஆகியவைதான் இன்று வெளியாகும் நேரடி தமிழ்ப் படங்கள்.

    இவற்றில் பாகன், வேந்தர் மூவீஸ் எஸ். மதன் வழங்க, வி.பி. புரொடக்ஷன்ஸ் தயாரித்திருக்கும் படம். அஸ்லம் இயக்குநராக அறிமுகமாக, ஜேம்ஸ் வசந்தன் இசையமைத்துள்ளார். ஸ்ரீகாந்த், ஜனனி, சூரி, பாண்டி நடித்துள்ளனர்.

    அடுத்த முக்கியமான படம் மன்னாரு. தமிழ் பிக்சர்ஸ், சுஜிஸ் பிலிம்ஸ், ரத்னா பிலிம்ஸ் இணைந்து தயாரித்துள்ளன. எஸ்.ஜெய்சங்கர் இயக்க, உதயன் இசையமைத்துள்ளார். படத்தில் பிரதானமாக பேசப்படுவது உதயன் இசை மற்றும் அப்புக்குட்டியின் நடிப்பு.

    அடுத்த படம் கள்ளப்பருந்து. பொன்முடி பிக்சர்ஸ் பி.பொன்முடி தயாரிப்பில் இதயன் இயக்கத்தில் சிருஷ்டி இசையமைத்திருக்கும் படம். அம்சவேல், மஞ்சு, ஷோபனா , கலைப்புலி ஜி.சேகரன், கிங்காங் நடித்துள்ளனர்.

    காயத்ரி டாக்கீஸ் ரமணா குடிபாட்டி தயாரிப்பில் சிங்கம் சுதாகர் இயக்கியிருக்கும் படம் இந்த அரக்கோணம். இசை - அர்ஜுன். ஸ்ரீமன், பிராச்சி தேசாய், பொன்னம்பலம், சுமன் ஷெட்டி நடித்துள்ளனர்.

    இவை தவிர ராம்சரண் தேஜா நடிக்கும் சிறுத்தை புலி, ஷர்வானந்த் நடிக்கும் கோகுலம் ஆகிய மொழிமாற்றுப் படங்களும் களமிறங்கியுள்ளன.

    தாய்லாந்து படம் டெக்கன், மரண அடியாக மொழிமாறி வருகிறது.

    தமிழ்ப் படங்களுக்கு நிகராக சென்னையில் அதிக திரையரங்குகளில் வெளியாகிறது இந்திப் படம் ராஸ் 3. மொத்தம் 19 அரங்குகள்.

    நாகார்ஜூனாவின் தெலுங்குப் படம் ஷிர்டி சாய் 27 தியேட்டர்களில் ரிலீசாகியுள்ளது!!

    English summary
    There 4 straight Tamil films are releasing today, the first Friday of September.
    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X