ஹார்வர்டு பல்கலை. தமிழ் இருக்கை நிதி... தமிழ் நடிகர்கள் யார் யார் எவ்வளவு கொடுத்தார்கள்?

நா முத்துக்குமார்

தமிழ் சினிமாவிலிருந்து அதற்காக முதலில் குரல் கொடுத்தவர் மறைந்த கவிஞர் நா முத்துக்குமார். கடந்த ஆண்டு டல்லாஸ், சியாட்டல், ஆஸ்டின் நகரங்களில் நடந்த தமிழ் நிகழ்ச்சிகளில் கலந்து கொண்ட அவர், பின்னர் ஹார்வர்டு தமிழ் இருக்கை நிதி அளிப்பு நிகழ்ச்சியிலும் கலந்து கொண்டு, அதற்கான முயற்சிகளை ஊக்குவித்தார்.

சூர்யா

பின்னர் நடிகர் சூர்யா அகரம் ஃபவுண்டேஷனுக்காக நிதி திரட்ட அமெரிக்கா சென்றபோது, தான் திரட்டிய நிதியிலிருந்து ஹார்வர்டு தமிழ் இருக்கைக்காக ரூ 10 லட்சத்தைத் தந்தார்.

ஏ ஆர் ரஹ்மான்

கடந்த மாதம் அமெரிக்கா கனடாவில் இசைக் கச்சேரி நடத்திய ஏஆர் ரஹ்மான், பாடகர் சீனிவாஸ் ஆகியோர், கச்சேரியில் வசூலான பணத்திலிருந்து ரூ 16.33 லட்சத்தை ஹார்வர்டு தமிழ் இருக்கைக்கு வழங்கினர்.

விஷால் - கருணாஸ்

அடுத்து நடிகர் சங்கப் பொதுச் செயலர் மற்றும் தமிழ் திரைப்பட தயாரிப்பாளர் சங்க தலைவர் விஷால் ரூ 10 லட்சம் வழங்கினார்.

நடிகர் கருணாஸ் தன் பங்குக்கு ரூ 1 லட்சம் வழங்கி மற்றவர்களையும் நிதியளிக்குமாறு கேட்டுக் கொண்டார.

கமல் ஹாஸன்

இந்த வரிசையில் லேட்டஸ்டாக இணைந்திருப்பவர் நடிகர் கமல் ஹாஸன். அவர் இன்று ரூ 20 லட்சத்தை ஹார்வர்டு பல்கலைக்கழக தமிழ் இருக்கைக்கு வழங்குவதாக அறிவித்துள்ளார். இதுவரை தமிழ் சினிமாவிலிருந்து ரூ 55 லட்சத்துக்கும் மேல் தமிழ் இருக்கைக்கு வழங்கப்பட்டுள்ளது.