கரிகாலன் - மாறினார் இயக்குநர்!

News

oi-Shankar

By Shankar

| Published: Saturday, June 23, 2012, 17:38 [IST]

விக்ரம் நடிக்கும் சரித்திரப் படம் கரிகாலன் பற்றி கொஞ்ச நாட்களாக சத்தத்தையே காணோம்.

விசாரித்ததில் ஒரு சின்ன வில்லங்கம் தெரிந்தது.

இந்தப் படத்தின் இயக்குநராக முதலில் ஒப்பந்தமானவர் எல் ஐ கண்ணன். இவர் மணிரத்னத்திடம் பணியாற்றியவர்.

படம் ஆரம்பித்த சில தினங்களில், ராஜசேகரன் என்பவர், படத்தின் தலைப்பும், கதையும் தன்னுடையது என கேஸ் போட, படம் அப்படியே நின்றது. சிக்கல் தீர்ந்து மீண்டும் படப்பிடிப்பு துவங்கவிருந்த நிலையில், படத்தின் இயக்குநர் மாறிவிட்டாராம்.

இப்போது படத்தை இயக்குபவர் கண்ணன் அல்ல... கதை வசனத்துக்கு சொந்தக்காரரான காந்திகிருஷ்ணா. செல்லமே, நிலாக்காலம் படங்களை இயக்கியவர் இவர்.

தயாரிப்பாளர்கள் அதே வாசன் மற்றும் பார்த்திதான். விக்ரம் ஜோடியாக ஜரின்கான் நடிக்கிறார். ஜிவி பிரகாஷ் இசையமைக்கிறார்.