கணேஷ் வெங்கட்ராமன் - நிஷா கிருஷ்ணன் திருமண வரவேற்பு!

நடிகர் கணேஷ் வெங்கட்ராமன் - நிஷா கிருஷ்ணன் திருமண வரவேற்பு நேற்று சென்னையில் நடந்தது.

அபியும் நானும்' படத்தின் மூலம் தமிழ்த் திரையுலகில் அறிமுகமானவர் கணேஷ் வெங்கட்ராமன். நிஷா கிருஷ்ணன், சின்னத்திரைத் தொகுப்பாளர். இருவரும் காதலித்து இப்போது இரு வீட்டாரின் சம்மதத்துடன் திருமணம் செய்கிறார்கள்.

இருவருக்கும் நாளை (நவம்பர் 22) திருமணம் நடைபெற உள்ளது.

அதற்கு முன்பு நடைபெற்ற திருமண வரவேற்பு நிகழ்ச்சியில் நடிகர் நடிகைகள் ஏராளமானோர் கலந்து கொண்டனர்.

ஜெயம் ரவி, மோகன் ராஜா, நாசர், விக்ரம் பிரபு, ரம்யா, சுகாசினி உள்ளிட்டோர் கலந்து கொண்டு வாழ்த்தினர்.