Don't Miss!
- Automobiles அரபு நாடுகளின் பொழப்பில் மண்ணை அள்ளி போட்ட டாடா... ஒட்டுமொத்த உலகமும் இந்தியாவை உத்து பாக்குது...
- Lifestyle ஹிட்லரின் ஆட்சியில் செய்யப்பட்ட மகத்தான சாதனைகள்... ஹிட்லருக்கே தெரியாம இவ்வளவு நல்லது பண்ணிருக்காரா?
- News குலுங்கியது திருப்பரங்குன்றம்.. முருகப்பெருமான் - தெய்வானை திருக்கல்யாணம்.. பரவசத்தில் பூரித்த மதுரை
- Finance மிஸ் யூனிவர்ஸ் போட்டியில் பங்கேற்கும் சவுதி அரேபியா.. வரலாற்று சம்பவம் பாஸ்..!!
- Sports SRH vs MI : அந்த ஜாம்பவானிடம் பேசினேன்.. என் நம்பிக்கைக்கு அதுவே காரணம்.. அபிஷேக் சர்மா பேட்டி!
- Technology மீண்டும் மீண்டுமா.. 50MP கேமரா.. 100W சார்ஜிங்.. புதிய போனை கொண்டுவரும் OnePlus.. எந்த மாடல்?
- Education ஆஸ்திரேலியாவில் உயர்கல்வி பயில இந்திய மாணவர்கள் விரும்புவது ஏன்?
- Travel புதுச்சேரியில இப்படி ஒரு விஷயமா – ஒரே படகு சவாரியில 8 விதமான கடற்கரைகளுக்கு க்ரூஸ் சுற்றுலா!
Varmaa - மீண்டும் வர்மா.. ‘காதல்’ ஸ்பெஷலிஸ்ட் கௌதம் மேனன் இயக்குகிறார்?
வர்மா படத்தை கௌதம் மேனன் இயக்க இருப்பதாகத் தகவல்கள் வெளியாகியுள்ளது.
சென்னை: மீண்டும் படமாக்கப்பட உள்ள வர்மா படத்தை கௌதம் வாசுதேவ் மேனன் இயக்குவார் எனத் தகவல்கள் தெரிவிக்கின்றன.
தெலுங்கில் மாபெரும் வெற்றி பெற்ற அர்ஜுன்ரெட்டி படம் தமிழில் வர்மா என்ற பெயரில் ரீமேக் செய்யப்பட்டது. பாலா இயக்கத்தில் நடிகர் விக்ரமின் மகன் துருவ் நாயகனாக நடித்திருந்தார். இப்படம் காதலர் தின ஸ்பெஷலாக வெளியாகும் என முன்னர் அறிவிக்கப்பட்டிருந்தது.
பின்னர் அது ஜுன் மாதம் திரைக்கு வரும் எனக் கூறப்பட்ட நிலையில், திடீரென அப்படம் வேறு இயக்குநர் மூலம் மீண்டும் ஆரம்பத்தில் இருந்து படமாக்கப்படும் என தயாரிப்பு நிறுவனம் அறிவித்தது.
மாற்றங்கள்:
இது தொடர்பாக தயாரிப்பாளர் தரப்பில் இருந்து வெளியிடப்பட்ட செய்திக்குறிப்பில், ‘படத்தின் ஃபைனல் வெர்ஷன் எங்களுக்குத் திருப்தியளிக்கவில்லை. ஒரிஜினலுக்கும் இதற்கும் தொடர்பில்லாமல், இயக்குநர் கதையில் சில மாற்றங்கள் செய்திருக்கிறார். அதனால் இதை வெளியிட எங்களுக்கு விருப்பமில்லை' எனத் தெரிவிக்கப்பட்டிருந்தது.
பாலா விளக்கம்:
இந்த விவகாரம் பற்றி பாலாவும் தன் தரப்பு விளக்கத்தை அறிக்கை வாயிலாக தெரியப்படுத்தினார். இந்நிலையில், மீண்டும் வர்மா படத்தை வேறு எந்த இயக்குநரை வைத்து மீண்டும் படமாக்குவது என்ற வேலையில் தயாரிப்பு நிறுவனம் ஈடுபட்டுள்ளது.
கௌதம் இயக்கம்?
இதில் தற்போது கௌதம் வாசுதேவ் மேனன் பெயரும் அடிபடுவதாக தகவல்கள் வெளியாகியுள்ளது. மேலும், அவருக்கு அடுத்த இடங்களில் பிரேமம் இயக்குநர் அல்போன்ஸ் புத்திரன், டேவிட், சோலோ படங்களை இயக்கிய பிஜாய் நம்பியார் ஆகியோரும் இருப்பதாகக் கூறப்படுகிறது.
காதல் ஸ்பெஷலிஸ்ட்:
கௌதம் மின்னலே, விண்ணைத் தாண்டி வருவாயா என இளைஞர்களைக் கவரும் வகையில் காதல் படங்கள் கொடுப்பதில் வல்லவர். ஆக்சன் படமாகவே இருந்தாலும், அதில் சைடு கேப்பில் காதல், ரொமான்ஸ் என காட்சிகள் வைக்க மறக்கமாட்டார். இதற்கு காக்க காக்க, என்னை அறிந்தால் போன்ற படங்களே உதாரணம்.
துருவ நட்சத்திரம்:
எனவே, அவரது இயக்கத்தில் வர்மா படத்தை உருவாக்கினால் நன்றாக இருக்கும் என தயாரிப்பாளர் தரப்பு நினைப்பதாகத் தெரிகிறது. தற்போது கௌதம் இயக்கத்தில் விக்ரம் துருவ நட்சத்திரம் படத்தில் நடித்து வருகிறார் என்பது குறிப்பிடத்தக்கது.
தள்ளிப் போகும் ரிலீஸ்:
ஆனால், வேறு எந்த இயக்குநரை வைத்து வர்மா படத்தை மீண்டும் இயக்கினாலும், தயாரிப்பு தரப்பு திட்டமிட்டபடி படம் ஜுனில் வெளி வருவது மிகவும் கடினமான விஷயம் என்கிறார்கள் திரையுலகைச் சேர்ந்தவர்கள். எனவே ரிலீஸ் தேதி மேலும் தள்ளிப் போகலாம் எனத் தெரிகிறது.