லவ் டுடே படத்தில் பிரதீப் என்னை ஓட்டியிருந்தார்.. கெளதம் மேனன் பேசியதும் அர்ச்சனா ஆடிப்போயிட்டார்!

லவ் டுடே படத்தில்

இயக்குநர் பிரதீப் ரங்கநாதன் மீது ஏற்கனவே பல முன்னணி சினிமா பிரபலங்களை பற்றி அவதூறாக பேசியது, ட்ரோல் செய்தது என ஏகப்பட்ட வான்டட் லிஸ்ட் உள்ளன. இந்நிலையில், இயக்குநர் கெளதம் மேனன் லவ் டுடே படத்தில் தன்னை கலாய்த்த காட்சிகள் பற்றி பேசியிருப்பது சினிமா வட்டாரத்தில் பெரும் பரபரப்பை ஏற்படுத்தி உள்ளது.

கெளதம் மேனனை போலவே

டாய்லெட்டுக்குள் உட்கார்ந்து கொண்டு நாயகி இவானாவின் இன்ஸ்டாகிராம் உலகத்துக்குள் பிரதீப் ரங்கநாதன் செல்லும் காட்சியில் இயக்குநர் கெளதம் மேனனை போலவே யூடியூபர் குருபாய் நடித்திருப்பார். காதல் கவிதைகளை சொல்லி நாயகியை டார்ச்சர் செய்வது போன்ற ஒரு கதாபாத்திரத்தை அப்படியே அச்சு அசல் கெளதம் மேனனை போலவே சித்தரித்து இருப்பார் பிரதீப் ரங்கநாதன்.

என்னை ஓட்டியிருப்பாங்க

லவ் டுடே படத்தின் வெற்றியை பாராட்டிய கெளதம் மேனன், உண்மையில் அந்த படத்தில் என்னை ஒரு சீன்ல ஓட்டியிருப்பாங்க.. அந்த காட்சியில் என்ன நடிக்க கூப்பிட்டு இருந்தால் நானே வந்து நடித்துக் கொடுத்திருப்பேன் என செம ஸ்போர்ட்டிவாக பேசுவது போல பேசி சரியான சமயத்தில் பதிலடி கொடுத்து விட்டார்.

ஆடிப்போன அர்ச்சனா

அந்த ரவுண்ட் டேபிளில் இயக்குநர்கள் மத்தியில் இளம் தயாரிப்பாளராக அமர்ந்திருந்த லவ் டுடே படத்தின் தயாரிப்பாளர் அர்ச்சனா கல்பாத்தி கெளதம் மேனன் பேசியதுமே சார் என மன்னிப்பு கேட்கும் தொனியில் பேசி விட்டார். கெளதம் மேனன் பெருந்தன்மையாக பேசிய வீடியோவை இயக்குநர் பிரதீப் ரங்கநாதனுக்கு பலரும் டேக் செய்து வருகின்றனர்.

தளபதி 67 படத்தில்

அதே பேட்டியில் தான் அடுத்து தளபதி 67 படத்தில் நடிக்கப் போவதையும் அறிவித்து விஜய் ரசிகர்களை வெறியேற்றி உள்ளார் கெளதம் மேனன். ஏகப்பட்ட இளம் இயக்குநர்களுக்கு இன்ஸ்பிரேஷனாக உள்ள கெளதம் மேனனையே பிரதீப் ரங்கநாதன் ட்ரோல் செய்துள்ளாரே என நெட்டிசன்கள் கமெண்ட் போட்டு வருகின்றனர்.