அடுத்து ஃபைட்டுதான்... கவுதம் படத்தில் ஆக்‌ஷனுக்கு ரெடியாகிறார் அனுஷ்கா

ஜோஸ்வா

இப்போது, வருண் நடிக்கும் ஜோஸ்வா என்ற படத்தை இயக்கி வருகிறார் கவுதம். இதில் வருண் ஜோடியாக புதுமுக நடிகை ராஹய் நடிக்கிறார். இதன் ஷூட்டிங் பெரும்பாலும் முடிந்துவிட்டதாகக் கூறப்படுகிறது.

அனுஷ்கா ஹீரோயின்

அமெரிக்கா மற்றும் லண்டனிலும் இதன் காட்சிகள் படமாக்கப்பட இருக்கின்றன. இதையடுத்து அவர் இயக்கும் படத்தில் அனுஷ்கா ஹீரோயினாக நடிக்கிறார். இதற்கு இந்தி கதாசிரியரும் இயக்குனருமான கோவிந்த் நிஹலானி கதை எழுதியுள்ளார்.

த்ரில்லர் கதை

இன்னும் பெயரிடப்படாத இதன் கதை, ஹீரோயினுக்கு முக்கியத்துவம் கொண்டது. மிலிட்டரி ஆக்‌ஷன் த்ரில்லர் கதையான இதில், பல அதிரடி ஆக்‌ஷன் காட்சிகள் உள்ளன. இந்தக் காட்சிகளில் அனுஷ்கா நடிக்க இருக்கிறார்.

அடுத்த மாதம்

தமிழ், தெலுங்கில் உருவாக இருக்கும் இந்த படம், ஜோஸ்வா படம் முடிந்ததும் தொடங்கும் என்று கூறப்படுகிறது. அனுஷ்கா, இப்போது மாதவன் ஜோடியாக நிசப்தம் என்ற படத்தில் நடித்துள்ளார். இந்தப் படம் விரைவில் வெளியாக இருக்கிறது.