Don't Miss!
- Automobiles எந்தவொரு பணக்காரருக்கும் இந்த நிலைமை ஏற்பட கூடாது! கடனை திருப்பி செலுத்தாததால் இப்படியெல்லாம் கூட செய்வார்களா?
- News ‛‛70 லட்சம் ஓட்டு''.. கடைசி வரை மவுனம் கலைக்காத விஜய்! இன்று நடக்கப்போகும் மாற்றம்? யாருக்கு லாபம்?
- Sports IPL Classics - 87 ரன்களில் ஆல் அவுட்டான மும்பை.. பஞ்சாப் அணியில் பிரவீன்குமார் அபார பவுலிங்
- Lifestyle 12 ஆண்டுகளுக்கு பின் மேஷத்தில் உருவாகும் கஜலட்சுமி ராஜயோகம்: இந்த 3 ராசிக்கு பண மழை பொழியும்..
- Finance ரோஜா பூவும், பிரியாணியும் மணக்குதே.. செலவும் பிச்சுக்குதே..!!
- Technology வெயிட்டிங் ஓவர்.. Sony கேமரா.. 256ஜிபி மெமரி.. வருகிறது புதிய Vivo 5ஜி போன்.. எந்த மாடல்?
- Travel பாவனி ஆற்றின் நடுவே 700 ஆண்டுகளாக மூழ்கியிருக்கும் கோட்டை – இன்னும் 2 மாதங்களுக்கு பொதுமக்கள் செல்லலாம்!
- Education பிளஸ்-2 படித்திருந்தால் போதும்...மத்தியஅரசு வேலை தயார்..!!
பிரபல நாடக ஆசிரியரும், நடிகருமான கிரிஷ் கர்னாட் மரணம்: திரையுலகினர் இரங்கல்
Recommended Video
பெங்களூர்: பிரபல நடிகரும், நாடக ஆசிரியருமான கிரிஷ் கர்னாட் இன்று காலமானார்.
கர்நாடக மாநிலத்தை சேர்ந்தவர் கிரிஷ் கர்னாட். பிரபல எழுத்தாளர், நாடக ஆசிரியர், நடிகர், திரைப்பட இயக்குநர் என்று பல்வேறு திறமைகள் கொண்டவர் அவர்.
கிரிஷ் கர்னாட் தனது குடும்பத்தாருடன் பெங்களூரில் வசித்து வந்தார். 81 வயதான கிரிஷ் கர்னாட் உடல்நலக் குறைவால் அவதிப்பட்டு வந்தார். இந்நிலையில் அவர் இன்று காலை காலமானார். அவருக்கு ரகு கர்னாட் என்கிற மகனும், ஷல்மலி ராதா என்கிற மகளும் உள்ளனர். அவரின் மறைவு செய்தி அறிந்து திரையுலக பிரபலங்களும், எழுத்தாளர்களும் தங்களின் ஆழ்ந்த இரங்கலை தெரிவித்துள்ளனர்.
பத்மஸ்ரீ, பத்ம பூஷன் விருதுகளை பெற்றவர் கிரிஷ் கர்னாட். மேலும் ஞானபீட விருது, 4 பிலிம்ஃபேர் விருதுகளை பெற்றிருந்தார். யு.ஆர். அனந்தமூர்த்தி எழுதிய நாவல் சமஸ்காராவை தழுவி கன்னட படம் எடுக்கப்பட்டது. அந்த படத்திற்கு திரைக்கதை எழுதி, நடித்து தனது திரையுலக பயணத்தை துவங்கினார் கிரிஷ் கர்னாட்.
ஆர். கே. நாராயணின் புத்தகங்களை அடிப்படையாக கொண்டு தயாரிக்கப்பட்ட மால்குடி டேஸ் தொலைக்காட்சி தொடரில் சுவாமியின் தந்தையாக நடித்தார் அவர். வம்ச விருக்ஷா(1971) படம் மூலம் கிரிஷ் கர்னாட் இயக்குநர் அவதாரம் எடுத்தார்.
ஷங்கரின் காதலன் படத்தில் பிரபுதேவா, நக்மா காதலுக்கு எதிர்ப்பு தெரிவித்து பல வில்லத்தனம் செய்த அப்பாவாக நடித்தவர் கிரிஷ் கர்னாட். சூர்யாவின் 24 தான் அவர் நடித்த கடைசி தமிழ் படமாகும். சல்மான் கானின் டைகர் ஜிந்தா ஹை படத்தில் ரா அதிகாரியாக நடித்திருந்தார். உடல் நலம் பாதிக்கப்பட்ட போதிலும் தொடர்ந்து படங்களில் நடித்து வந்தவர் அவர்.
ரஜினிகாந்த் நடிப்பில் வெளியான நான் அடிமை இல்லை படத்தில் ஸ்ரீதேவிக்கு அப்பாவாக நடித்தவர் கிரிஷ் கர்னாட். இறுதி மூச்சு வரை கலை சேவையாற்றிய அவரின் ஆத்மா சாந்தியடையட்டும் என்று ரசிகர்கள் ட்வீட் செய்து கொண்டிருக்கிறார்கள்.
-
மவனே யாருகிட்ட.. மேனேஜரை அலறவிட்ட கார்த்திக்..என்னாச்சு தெரியுமா? கார்த்திகை தீபம் இன்றைய எபிசோட்!
-
துப்பாக்கி மாதிரி தூள் கிளப்பும்.. ஏகப்பட்ட ‘கோட்’ அப்டேட்களை சொன்ன ஒய்.ஜி. மகேந்திரன்!
-
நடிகைகள் சகவாசம்.. பாரிலேயே விழுந்து கிடக்கும் ’வி’ எழுத்து நடிகர்.. நடிக்கவே பிடிக்கலைன்னு கண்ணீர்?