அவருக்கு மட்டும் எப்படி இவ்ளோ வாய்ப்பு? அந்த இளம் ஹீரோயினை போட்டு வாங்கும் சக நடிகைகள்!

அவ்ளோ கிரேஸ்

அவருக்கு ரசிகர்கள் மத்தியில் அவ்ளோ கிரேஸ். மொத்த லைக்ஸையும் அவர் மீதுதான் கொட்டியிருக்கிறார்கள். ஆரம்பத்தில் சின்ன படங்களில் அவருக்கு வாய்ப்பு கிடைத்தது. திடீரென டாப் ஹீரோக்கள் படங்களில் அழைப்பு வர, நடிகையின் மார்க்கெட் ஜிவ்வென ஏறி இருக்கிறது.

மெகா பட்ஜெட்

கொரோனாவுக்கு முன்பே, நடிகைக்கு சில மெகா பட்ஜெட் படங்களில் நடிக்க வாய்ப்பு கிடைத்தது. சில முன்னணி இயக்குனர்கள் மற்றும் ஹீரோக்கள் படங்களில் நடித்து வருகிறார், நடிகை. குறுகிய காலத்திலேயே இப்படி வாய்ப்பு கிடைத்திருப்பது அதிர்ஷ்டம்தான் என்கிறார்கள்.

ஏற்கனவே காதல்

இதற்கிடையே நடிகர் ஒருவருடன் நடிகைக்கு காதல் என்றும் சில நடிகர்கள், நடிகையை பின் தொடர்வதாகவும் வழக்கம் போல காஸிப்ஸ் பரவ, நடிகை அப்செட் ஆனார். பிறகு வேறு வழியே இல்லாமல், நான் ஏற்கனவே காதல்லதான் இருக்கிறேன் என்றார். பிறகும் விடாமல் தொடர்ந்தது காஸிப் கதைகள்.

காஸிப் காதுகள்

ஒரு கட்டத்தில் நொந்து போன நடிகை, இவரைதான் நான் காதலிக்கிறேன், நாங்க, கல்யாணம் பண்ண போறோம் என்று வெளிநாட்டில் வேலை பார்க்கும் தனது காதலரை அறிவித்த பிறகுதான் அமைதியானது, கோடம்பாக்க காஸிப் காதுகள். இப்போது நடிகைக்கு ஏகப்பட்ட வாய்ப்புகள்

வயிற்றில் அனல்

திடீரென நான்கைந்து படங்களில் நடிக்க ஒப்பந்தமாகி இருக்கிறார், அந்த நடிகை. அனைத்தும் பெரிய படங்கள். நடிகையின் கேரியர் கிராஃப், இந்த கொரோனா காலத்திலும் இப்படி திடீரென உயர்ந்ததைக் கண்டு மற்ற சக நடிகைகளுக்கு ஏற்கனவே வயிற்றில் அனல்.

ஜாலியாக இருக்கிறார்

இப்போது அந்த அனல் எக்கச்சக்கமாக அதிகரித்து இருக்கிறதாம். அந்த பொறாமை கோஷ்டிதான் நடிகை மீதான காஸிப் கதைகளை அங்கும் இங்கும் அவிழ்த்து விடுவதாகச் சொல்கிறார்கள். ஆனால், நடிகையோ இது எதற்கும் காது கொடுக்காமல், தான் உண்டு, தன் நடிப்பு உண்டு என்று செம ஜாலியாக இருக்கிறார்.