தீபாவளிக்கு 5 ஷோ காட்டலாம்.. தியேட்டர்களுக்கு அனுமதி

சென்னை: தீபாவளியையொட்டி தியேட்டர்களில் ஐந்து காட்சிகளை திரையிட தமிழக அரசு அனுமதித்துள்ளது.

இதுதொடர்பாக தமிழ்நாடு திரையரங்கு உரிமையாளர்கள் சங்கத்தின் சார்பில் வெளியிடப்பட்ட அறிக்கையில், தீபாவளிப் பண்டிகையை முன்னிட்டு நவம்பர் 4-ஆம் தேதி முதல் 8-ஆம் தேதி வரை கூடுதலாக ஒரு காட்சி அதாவது 5-வது காட்சியை நடத்திக்கொள்ளலாம் என அரசாணையின் மூலம் அரசு அனுமதி வழங்கியுள்ளது.

அதன்படி நவம்பர் 2 மற்றும் 3-ஆம் தேதிகளில் காலை 9 மணிக்கு ஐந்தாவது காட்சியை நடத்திக் கொள்ளலாம். தமிழக அரசின் சினிமா நிபந்தனை எண் 14-ன் படி காலை 9 மணி முதல் இரவு 1.30 மணி வரை மட்டுமே காட்சிகளை நடத்த வேண்டும் என்று தெரிவிக்கப்பட்டுள்ளது.