Don't Miss!
- Lifestyle இந்த படத்தில் முதலில் என்ன தெரியுது சொல்லுங்க.. நீங்க உணர்ச்சி ரீதியா எவ்வளவு புத்திசாலி-ன்னு சொல்றோம்...
- Finance ஒரு மாச ஷாப்பிங்கிற்கு ரூ.1.86 கோடியாம்.. பெண்களை பொறாமையில் பொங்க வைக்கும் துபாய் பெண்..!!
- News எடப்பாடி பழனிசாமி நம்பர் ஒன் தான்.. எதில் தெரியுமா? விட்டு விளாசிய முதல்வர் ஸ்டாலின்
- Sports IPL 2024 : நைசாக முத்தம் கொடுத்த ஸ்ரேயாஸ் ஐயர்.. மிரண்டு போன சாம்சன்.. டாஸ் நிகழ்வில் என்ன நடந்தது?
- Automobiles இ-பைக்கின் உற்பத்தி பணிகளை தொடங்கிய சென்னை நிறுவனம்! உலக நாடுகளே இத பாத்து மிரண்டு நிக்க போகுது!
- Technology BSNL சூப்பர் பிளான்.. 50GB டேட்டா.. 3600 SMS.. 36 நாள் வேலிடிட்டி.. தரமான ப்ரீபெய்ட் திட்டம்? என்ன விலை?
- Travel தமிழ்நாட்டுக்கு உள்ளேயும், பக்கத்துலயும் இவ்வளோ அழகான பெரிய நீர்வீழ்ச்சிகள் இருக்கு தெரியுமா?
- Education யுபிஎஸ்சி தேர்வு முடிவுகள் ரிலீஸ்..லக்னோ இளைஞர் ஆதித்யா ஸ்ரீவஸ்தவா முதலிடம்
ஜீவா ரசிகர்களுக்கு ஹேப்பி நியூஸ்.. மார்ச் 6 தேதி வெளிவருது ஜிப்ஸி.. படக்குழு அறிவிப்பு
சென்னை : ஜிப்ஸி படம் மார்ச் 6 தேதி வெளியாகும் என படக்குழு அறிவிப்பு வெளியிட்டுள்ளது.
தேசிய விருது பெற்ற இயக்குனர் மற்றும் எழுத்தாளர் ராஜு முருகன் இயக்கத்தில் உருவாகியிருக்கும் படம் தான் ஜிப்ஸி. இந்த படத்தில் நடிகர் ஜீவா,நடாஷா சிங், லால் ஜோஸ்,சன்னி வெயின்,சுசீலா ராமன் ஆகியோர் முக்கிய வேடங்களில் நடித்து உள்ளனர். படத்திற்கு சந்தோஷ் நாராயணன் இசையமைத்து இருக்கிறார் .
ஜிப்ஸி படம் ரசிகர்களால் மிக பெரிய அளவில் எதிர்பார்க்கப்பட்ட படம் ஏனெனில் ராஜு முருகன் குக்கூ மற்றும் ஜோக்கர் என்ற இரு நல்ல படங்களை இயக்கியிருந்தார். ஜோக்கர் படம் இயக்குனர் ராஜு முருகனுக்கு தேசிய விருதையும் பெற்று தந்தது.
இதனாலே ரசிகர்கள் இவரின் ஜிப்ஸி படத்தை பெரிய அளவில் எதிர்பார்த்து வந்தனர். ஜிப்ஸி படம் ஒரு ஆண்டுக்கு முன்பே முழுமையாக முடிவடைந்து விட்டது ஆனால் படத்தில் வைக்கபட்டிருந்த காட்சிகளும் வசனங்களும் சென்சாரில் பலமுறை நிராகரிக்க பட்டு படம் தொடர்ந்து தாமதமாகி வந்தது. ஒரு வருடமாக இப்போது வரும் அப்போது வருமென எதிர்பார்க்கப்பட்டு வந்தது. ஒரு வழியாக மார்ச்6 வெளியாகும் என்று படக்குழுவால் அறிவிக்கப்பட்டுள்ளது.
இந்த தகவலை ராஜுமுருகன் மற்றும் படக்குழு இணையத்தில் ஒரு சிவப்பு நிற போஸ்டரின் மூலம் பகிர்ந்து இருக்கின்றனர். இந்த போஸ்டரில் ஜீவா மட்டும் இடம்பெற்றிருக்கிறார் .
பொதுவாக இந்திய சினிமாக்களில் அரசியல் விமர்சன படங்கள் வருவது தொடர் பிரச்சனைகளே சந்தித்து வருவது இயல்பான விசயம்.இதில் சிறிய படங்கள் மட்டுமல்லாமல் பல பெரிய ஹீரோக்களின் படங்களே மாட்டி தவித்து இருக்கின்றனர் .
உலகநாயகன் கமலஹாசனின் பல படங்கள் இவ்வாறு பல போராட்டங்களுக்கு பிறகே மக்களை அடைந்தது வரலாறு. இந்தியா மட்டுமில்லை பல நாடுகளில் படங்களில் கடுமையாக அரசியல் பேசுவதையும் விமர்சிப்பதையும் அரசாங்கம் விரும்புவது இல்லை .இதற்கான சரியான தீர்வை நோக்கி பல வருடங்களாக சினிமா பயணித்து கொண்டேதான் இருக்கிறது .
தற்போதாவது மார்ச் 6 சொன்னபடி படம் வெளியாகுமா என்று பலரும் எதிர்பார்த்து உள்ளனர். படக்குழு உறுதியாக மார்ச் 6 ஜிப்ஸி படம் வரும் என்று உறுதியளித்துள்ளது. முக்கியமாக நடிகர் ஜீவா இந்த படத்தை பெரிய அளவில் எதிர்பார்த்து காத்திருக்கிறார். ஜீவா இன்னும் ஒரு முழுமையான வெற்றி படத்திற்கு காத்திருக்கிறார் என்பது உண்மை மார்ச் 6 என்ன நடக்கபோகிறது என்பதனை பொருத்திருந்து பார்போம்.