முகப்பு

செய்திகள்

இந்த ஆண்டு தொடர்ந்து இரு படங்களில் நடித்ததால் ஹன்சிகாவை அதிர்ஷ்ட தேவதை எனப் பட்டப்பெயர் கொடுத்துள்ளனர் திரையுலகினர்.

ஹன்சிகா இந்த ஆண்டு நடித்து வெளிவந்த 'தீயா வேலை செய்யணும் குமாரு', 'சிங்கம் 2' ஆகிய படங்கள் வெற்றி பெற்றுள்ளன.

ஹன்சிகா

இதுகுறித்து ஹன்சிகாவிடம் கேட்டபோது, "இதை வெறும் அதிர்ஷ்டம் என கூற முடியாது. என்னை பொறுத்த வரை அதிர்ஷ்டம் என்பது வரும்போது அதை இரண்டு கைகளாலும் பற்றிக்கொள்ள தயார் நிலையில் இருப்பதுதான்.

ஒரு நடிகையாக மழை, வெயில் என பாராமல் உழைப்பதும், இரவு பகல் என தூக்கமின்றி உழைப்பதும், நல்ல கதை, நல்ல தயாரிப்பு நிறுவனம், நல்ல இயக்குனர் தேர்ந்து எடுப்பதும், என் பலம் மற்றும் பலவீனத்தை உணர்ந்து நடிப்பது என என் கடமையை ஆற்றுகிறேன்.

இதற்கும் மேலாக என் தாயின் அறிவுரையும், ஊக்கமும் என் வெற்றியை உறுதி செய்கிறது. இதை எல்லாவற்றையும்விட நான் தத்து எடுக்கும் குழந்தைகளின் மூலம் எனக்கு கிடைக்கும் ஆசியும் எனக்கு இந்த பட்டதை அளித்து இருக்கலாம்," என்றார் கன்னக்குழிப் புன்னகையுடன்.