ஒரே ஒரு மாஸ்டர் பிளாஸ்டர்.. சச்சினை வாழ்த்தி புகழ்ந்து தள்ளிய திரைப்பிரபலங்கள் !

ஒரே ஒரு மாஸ்டர் பிளாஸ்டர்

தெலுங்கு சினிமா சூப்பர்ஸ்டார் என்று அழைக்கப்படும் சிரஞ்சீவியிம் தன் வாழ்த்தை சமூக வலைத்தளங்களின் வாயிலாக கூறியிருக்கிறார். இதில் கிரிக்கெட்டின் கடவுளுக்கு பிறந்தநாள் வாழ்த்துக்கள் என்றும் இந்தியாவின் புகழ் என்றும் சச்சின் தான், ஒரே ஒரு மாஸ்டர் பிளாஸ்டர் அவர் தான் என்றும் கூறியிருக்கிறார். மேலும் தொடர்ந்து நீங்கள் இந்தியர்களை உத்வேகபடுத்த வேண்டும் என்றும் கேட்டுகொண்டார். இந்த பதிவுடன் தான் சச்சினுடன் எடுத்த புகைப்படத்தையும் பதிவேற்றியுள்ளார் சிரஞ்சீவி .‘

என்றும் உங்கள் ரசிகன்

மலையாள நடிகரான நிவின் பவ்லியும் சிரஞ்சீவியை போல் கால்பந்து போட்டி ஒன்றின் போது சச்சினுடன் எடுத்து கொண்ட புகைப்படத்தை பதிவேற்றி தனது வாழ்த்தை கூறியுள்ளார். இதில் பிறந்தநாள் வாழ்த்துக்கள் லெஜன்ட் என்று கூறியிருக்கிறார் இன்றைய மக்களை உத்வேக படுத்தியதற்கு நன்றி உங்களுக்கு வெற்றியும் மகிழ்ச்சியும் கிடைக்க நான் வேண்டிக்கொள்கிறேன் என்று கூறினார். மேலும் இன்றும் நான் உங்களுடயை ரசிகன் தான் என்று மகிழ்ச்சி பொங்க கூறியிருக்கிறார் நிவின் பவ்லி .

கிரிக்கெட் ஜாம்பவான்

தமிழில் நடிகர் அருண்விஜய், சச்சினுடன் தான் எடுத்த புகைப்படத்தை பதிவிட்டு பிறந்த நாள் வாழ்த்தை என்று கூறியுள்ளார். கிரிக்கெட் ஜாம்பவான் சச்சினுக்கு பிறந்தநாள் வாழ்த்துக்கள் என்றும் என்றென்றும் உங்கள் கடின உழைப்பு தொடர வேண்டும் அதற்கு ஆண்டவன் அருள்புரிய வேண்டும் என்று தனது வாழ்த்தை கூறியுள்ளார் நடிகர் அருண்விஜய் .

வாழ்த்து மழை

மேலும் வளர்ந்து வரும் நடிகரான ஹரீஷ் கல்யாண் தனது சமூக வலைத்தள பக்கத்தில் தன் வாழ்த்தை கூறியிருக்கிறார். இதில் மனமுருகி கூறும் ஹரீஷ் நீங்கள் எனக்கு வெறும் கிரிக்கெட் வீரர் மட்டுமில்லை நீங்கள் பல இதயங்களை வென்றுள்ளீர்கள், பல சாதனைகளை செய்துள்ளீர்கள் என் வாழ்நாளில் பெரும்பங்கு உங்களுக்கு இருக்கிறது உங்களுக்கு நன்றி மட்டும் சொன்னால் போதாது நான் இன்னும் நீங்கள் இந்திய அணிக்காக விளையாட வேண்டும் என்று நினைக்கிறேன் என்று உருகிபோய் தனது மனதில் இருப்பதை அப்படியே வாழ்த்து மழையாய் கொட்டியுள்ளார் நடிகர் ஹரீஷ் கல்யாண் .

இப்படி பல பிரபலங்களும் கிரிகெட்டின் கடவுள் என்று அழைக்கப்படும் சச்சினுக்கு பிறந்த நாள் வாழ்த்துகளை தெரிவித்து வருகின்றனர். சச்சின் இன்று தனது அம்மாவின் காலில் விழுந்து ஆசீர்வாதம் வாங்கி தனது பிறந்தநாளை துவங்கியுள்ளார் இதனை மகிழ்ச்சியுடன் தனது ட்விட்டர் பக்கத்தில் பதிவேற்றியுள்ளார்.