இது ஃபன் கேம்.. சந்தானத்துடன் டிக்கிலோனா ஆட சென்னை வந்துள்ள சி.எஸ்.கே சிங்கம்!

பிளாக் ஷீப் டீம் ஏமாற்றம்

டிக்கிலோனா படத்திற்காக சென்னைக்கு நடிக்க வரும் ஹர்பஜன் சிங்கை வைத்து பிளாக் ஷீப் டீம் ஒரு நிகழ்ச்சியை பிளான் செய்திருந்தது. ஆனால், ஹர்பஜன் சிங் பிளாக் ஷீப்பின் அந்த நிகழ்வில் கலந்து கொள்ள முடியாமல் போனதால், இயக்குநர் சேரனை வைத்து பிளாக் ஷீப்பின் அடுத்த 6ஐ ஆர்.ஜே. விக்னேஷ்காந்த் நடத்தி முடித்தார்.

சந்தானத்துடன் ஹர்பஜன்

கார்த்திக் யோகி இயக்கத்தில் உருவாகி வரும் டிக்கிலோனா படத்தில் சந்தானத்துடன் ஹர்பஜன் சிங் முக்கியமான கதாபாத்திரத்தில் டஃப் கொடுத்து நடிக்கவுள்ளார். அதற்காக சென்னைக்கு வந்த ஹர்பஜன் சிங், சந்தானம் மற்றும் டிக்கிலோனா படக்குழுவினருடன் சந்தித்த புகைப்படத்தை கே.ஜே.ஆர் ஸ்டூடியோஸ் பதிவிட்டு வைரலாக்கி வருகிறது.

ஏற்கனவே

ஹர்பஜன் சிங் தமிழ் சினிமாவில் சந்தானத்தின் டிக்கிலோனா படத்தின் மூலம் அறிமுகமாகிறார். ஆனால், முன்னதாக முஜ்சே ஷாதி கரோகி படத்தில் சிறப்பு தோற்றத்தில் நடித்துள்ளார். மேலும், பாஜி இன் ப்ராப்ளம் மற்றும் செகண்ட் ஹஸ்பண்ட் உள்ளிட்ட படங்களிலும் நடித்துள்ளார்.

எப்போ ரிலீஸ்

இயக்குநர் கார்த்திக் யோகி இயக்கத்தில் சந்தானம் மூன்று கெட்டப்புகளில் நடிக்கவுள்ள டிக்கிலோனா படத்தில் முன்னாள் இந்திய கிரிக்கெட் வீரர், சி.எஸ்.கே. சிங்கம் ஹர்பஜன் சிங் முக்கிய கதாபாத்திரத்தில் நடித்து வருகிறார். இந்த படம் அடுத்த ஆண்டு கோடை விடுமுறைக்கு களமிறங்குகிறது.