ஹரிஷ் கல்யாண் திருமணம்: தாலி கட்டிய தாராள பிரபு.. மணமேடையிலேயே மனைவிக்கு என்னவொரு கிஸ்!

ஹரிஷ் கல்யாண் திருமணம்

நடிகர் ஹரிஷ் கல்யாணுக்கும் நர்மதா எனும் பெண்ணுக்கும் இன்று திருவேற்காட்டில் உள்ள ஜிபிஎன் பேலஸ் திருமண மண்டபத்தில் குடும்பத்தினர் மற்றும் உறவினர்கள் சூழ கோலாகலமாக திருமணம் நடைபெற்றது. ஹரிஷ் கல்யாணின் திருமண புகைப்படங்கள் தற்போது சமூக வலைதளங்களில் டிரெண்டாகி வருகின்றன. மணமகன் கோலத்தில் செம அழகாக ஹரிஷ் கல்யாண் உள்ளதை பார்த்து ஏகப்பட்ட பெண்கள் ஃபீல் செய்து வருகின்றனர்.

பிக் பாஸ் நிகழ்ச்சிக்கு பிறகு

சிந்து சமவெளி படத்தில் அறிமுகமான ஹரிஷ் கல்யாண், பொறியாளன் உள்ளிட்ட சில படங்களில் நடித்து இருந்தாலும், அவருக்கு பெரிய வெற்றி கிடைக்கவில்லை. அதன் பிறகு பிக் பாஸ் முதல் சீசனில் வைல்டு கார்டு போட்டியாளராக கலந்து கொண்ட அவருக்கும் ரைசா வில்சனுக்கும் இடையே செம கெமிஸ்ட்ரி வொர்க்கவுட் ஆனது. பிக் பாஸ் நிகழ்ச்சிக்கு பிறகு யுவன் சங்கர் ராஜா தயாரிப்பில் வெளியான பியார் பிரேமா காதல் படத்தில் இருவருமே ஜோடியாக நடித்தனர்.

ரைசாவுடன் காதலா

பிக் பாஸ் நிகழ்ச்சிக்கு பிறகு ரைசா வில்சன் உடன் பியார் பிரேமா காதல் படத்தில் ஹரிஷ் கல்யாண் இணைந்து நடித்த நிலையில், இருவரும் காதலிக்கின்றனர் என கிசுகிசுக்கள் கிளம்பின. அடுத்ததாக தனுசு ராசி நேயர்களே படத்திலும் ரைசா வில்சன் நடிக்க கன்ஃபார்மே செய்து விட்டனர். அதன் பின்னர் இருவரும் அந்த வதந்தியை தடுக்கவே இணைந்து நடிக்கவில்லை எனக் கூறப்படுகிறது.

மாப்பிள்ளை ஹரிஷ் கல்யாண்

இஸ்பேடு ராஜாவும் இதய ராணியும், ஓ மணப்பெண்ணே உள்ளிட்ட பல படங்களில் நடித்து வந்த ஹரிஷ் கல்யாண் விரைவில் திருமணம் செய்து கொள்ளப் போவதாக திடீரென அறிவித்து தனது வருங்கால மனைவி இவர் தான் என நர்மதாவை ரசிகர்களுக்கு சோஷியல் மீடியா மூலம் அறிமுகம் செய்து வைத்திருந்தார். இந்நிலையில், நர்மதாவுடன் திட்டமிட்டபடி இன்று காலை திருமணத்தை முடித்து மாப்பிள்ளையாக மாறி உள்ள ஹரிஷ் கல்யாணின் திருமண புகைப்படங்கள் வெளியாகி உள்ளன.

குவியும் வாழ்த்து

சினிமாவில் ரொமான்டிக் ஹீரோவாக நடித்து இளம் ரசிகைகளை கவர்ந்து வந்த ஹரிஷ் கல்யாணுக்கு திடீரென திருமணம் நடைபெற்ற நிலையில், ஏகப்பட்ட ரசிகைகள் வருத்தம் அடைந்தாலும், மணமக்களுக்கு வாழ்த்துக்களை தெரிவித்து வருகின்றனர். சினிமா பிரபலங்களும் நடிகர் ஹரிஷ் கல்யாணை வாழ்த்தி வருகின்றனர்.

தோனி தயாரிப்பில்

இந்திய கிரிக்கெட் வீரர் மகேந்திர சிங் தோனி தயாரிப்பில் உருவாக உள்ள புதிய படத்தில் ஹரிஷ் கல்யாண் தான் ஹீரோவாக நடிக்கப் போகிறார் என்றும் அவருக்கு ஜோடியாக பிரியங்கா மோகன் நடிக்க உள்ளதாகவும் தகவல்கள் வெளியாகி உள்ளன. எல்லாம் அவருக்கு மணப்பெண் கிடைத்த நேரம் தான் என ரசிகர்கள் வாழ்த்தி வருகின்றனர்.