ரஞ்சித் இயக்கத்தில் ‘ஸ்பேட் ராஜா’வாகும் ஹரிஷ் கல்யாண்.. அவரின் ‘இதய ராணி’ யார் தெரியுமா?

ஸ்பேட் ராஜாவும், இதய ராணியும்:

ஸ்பேட் ராஜாவும் இதய ராணியும் என்று இப்படத்திற்கு தலைப்பு வைக்கப்பட்டுள்ளது. இப்படத்தில் ஹரிஷின் ஜோடியாக காளி படத்தில் நடித்த ஷில்பா மஞ்சுநாத் நடிக்கிறார். இவர்களுடன் மாகாபா மற்றும் பாலா சரவணன் ஆகியோரும் இப்படத்தில் முக்கிய கதாபாத்திரத்தில் நடித்து வருகின்றனர்.

பர்ஸ்ட் லுக்:

இப்படத்தின் தலைப்பு மற்றும் பர்ஸ்ட் லுக் போஸ்டர் நேற்று பிக் பாஸ் சீசன் 2 கொண்டாட்டத்தில் வெளியிடப்பட்டது. இதற்காக ஹரிஷ், ஷில்பா, மகாபா மற்றும் ரஞ்சித் ஆகியோர் பிக் பாஸ் சீசன் 2 கொண்டாட்டத்திற்கு சிறப்பு விருந்தினராக வந்திருந்தனர். கொண்டாட்ட மேடையில் பர்ஸ்ட் லுக் போஸ்டரை வெளியிட்ட பின்னர் சீசன் 2 போட்டியாளர்களுடன் ஹரிஷ் நடனமாடினார்.

காதல் படம்:

பர்ஸ்ட் லுக் போஸ்டரைப் பார்க்கும்போதே இதுவும் நிச்சயம் இளைஞர்களைக் கவரும் வகையில் பியார் பிரேமா காதல் போன்று காதல் கதையாக இருக்கும் எனத் தெரிகிறது. ஒரு பிடிவாதக்கார ஹீரோவின் காதல் தான் இப்படத்தின் கதைக்களம் என படக்குழுவினர் தெரிவித்துள்ளனர்.

பாக்சர்:

இப்படத்தில் ஹரிஷ் கல்யாண் பைக்கராகவும், பாக்‌சராகவும் நடித்துள்ளார். ஏற்கனவே இப்படத்தின் படப்பிடிப்புசென்னை மற்றும் லடாக் ஆகிய பகுதிகளில் தொடங்கப்பட்டு விறுவிறுப்பாக நடந்து வருகிறது.