'இதுக்கெல்லாம் போட்டீங்களா கேஸு..?' - 'மெர்சல்' வழக்கில் நீதிபதிகள் சரமாரி கேள்வி

மெர்சலுக்கு எதிரான மனு

அந்த மனுவில், `இந்திய இறையாண்மைக்கும் ஒற்றுமைக்கும் எதிரான கருத்துகள் மெர்சல் திரைப்படத்தில் இருக்கின்றன. குறிப்பாக, மத்திய அரசின் ஜி.எஸ்.டி மற்றும் டிஜிட்டல் இந்தியா திட்டங்கள் குறித்து தவறான கருத்துகள் பரப்பப்படுகின்றன' என்று குறிப்பிடப்பட்டுள்ளது.

அவசர வழக்கு

அந்த மனுவை அவசர வழக்காக ஏற்று விசாரிக்க வேண்டும் என்று மனுதாரரான வழக்கறிஞர் அஷ்வத்தாமன் தரப்பில் தெரிவிக்கப்பட்டது. இதை ஏற்ற சென்னை உயர் நீதிமன்றம், இன்று இந்த வழக்கை விசாரித்தது.

நீதிபதிகள் கேள்வி

மெர்சல் திரைப்படத்தில் என்ன குறை கண்டீர்கள் என சென்னை உயர்நீதிமன்றம் மனுதாரருக்கு கேள்வி எழுப்பியுள்ளது. மெர்சல் என்பது படம் தான், நிஜவாழ்க்கை அல்ல எனவும் நீதிபதிகள் கருத்துத் தெரிவித்துள்ளனர்.

இதுக்கெல்லாம் போட்டீங்களா

மாற்றுத்திறனாளிகள் தவறாக சித்தரிக்கப்படுவதை எதிர்த்து வழக்கு போட்டீர்களா? என நீதிபதி கேள்வி எழுப்பியுள்ளார். மது அருந்துவது, புகை பிடிப்பது போன்ற காட்சிகளை எதிர்த்து வழக்குப் போடுங்கள் எனவும் காட்டமாகக் கூறியுள்ளனர் நீதிபதிகள்.

பொதுமக்களுக்கு பாதிப்பா

மெர்சல் படத்தில் சர்ச்சைக்குரிய வசனங்கள் இருக்கிறதா?, அந்த வசனங்களினால் பொதுமக்களுக்கு பாதிப்பு இருக்கிறதா? என நீதிபதி மனுதாரருக்கு கேள்வி எழுப்பியுள்ளார். படம் பிடிக்கவிட்டால் பார்க்க வேண்டாம் எனவும்ம் நீதிபதிகள் கருத்துத் தெரிவித்துள்ளனர்.