Click it and Unblock the Notifications
South Indian Actress Net Worth - தென்னிந்திய நடிகைகளின் சொத்து மதிப்பு.. முதலிடம் யார் தெரியுமா?
சென்னை: South Indian Actress Net Worth (தென்னிந்திய நடிகைகளின் சொத்து மதிப்பு) தென்னிந்திய நடிகைகளில் அதிக சொத்து வைத்திருக்கும் டாப் 5 நடிகைகள் குறித்த தகவல் வெளியாகியிருக்கிறது.
சினிமா என்றாலே ஆண்கள் அதிகம் ஆட்சி செய்யும் தொழில் என்ற பேச்சு உண்டு. அதன்படிதான் இப்போதும் பெரும்பாலும் நடந்துவருகிறது. அதேசமயம் ஹீரோக்களை மையப்படுத்திய கதைகள் வருவது போலவே ஹீரோயின்களை மையப்படுத்திய கதைகள் வருவதும் தற்போது அதிகரித்திருப்பது ஆரோக்கியமான ஒன்றே. இருப்பினும் சம்பள விஷயத்தில் ஹீரோக்களுக்கும், ஹீரோயின்களுக்கும் மலை அளவு வித்தியாசம் இருக்கிறது.
சம்பள விவகாரம்: ஹீரோக்கள் நூறு கோடியை சம்பளமாக பெறும் பழக்கம் எப்போதோ வந்துவிட்டது. ஆனால் ஹீரோயின்கள் சம்பளத்தில் ஒரு கோடி ரூபாயை தொடுவதற்கே பல காலம் தேவைப்பட்டிருக்கிறது. தற்போது தமிழில் அதிக சம்பளம் வாங்கும் நடிகையாக நயன்தாரா இருக்கிறார். அவர் ஜவான் படத்துக்காக பத்து கோடி ரூபாய் சம்பளம் பெற்றதாகவும் இனி வரும் படங்களில் தனது சம்பளத்தை அதிகரிக்க அவர் திட்டமிட்டிருப்பதாகவும் கூறப்படுகிறது.
பிற தொழில்கள்: சினிமாவில் இருக்கும் வெகு சிலரை தவிர்த்து சினிமா மூலம் சம்பாதிக்கும் பணத்தை பிற தொழில்களில் முதலீடு செய்வதை வாடிக்கையாக வைத்திருக்கின்றனர். நடிகர்கள் அவ்வாறு செய்துகொண்டிருக்க நடிகைகளும் இப்போது அதில் அதீத கவனம் செலுத்த ஆரம்பித்திருக்கிறார்கள். நயன்கூட தற்போது கேரளாவில் பல அடுக்குமாடி குடியிருப்புகள் கட்டிக்கொண்டிருப்பதாகவும், அதை வாடகைக்கு விட திட்டமிட்டிருப்பதாகவும் ஒரு தகவல் ஓடிக்கொண்டிருப்பது குறிப்பிடத்தக்கது.
அதிக சொத்து: பிற தொழில்களில் வரும் வருமானம் மூலம் நடிகர்களும், நடிகைகளும் சொத்துக்களை அதிக அளவு சேர்த்து வைத்திருக்கின்றனர். இந்தச் சூழலில் தென்னிந்திய நடிகைகளில் அதிக சொத்துக்கள் வைத்திருக்கும் டாப் ஐந்து நடிகைகள் குறித்து தகவல் வெளியாகியிருக்கிறது. அதன்படி நயன் தாராதான் முதலிடத்தில் இருக்கிறார். அவரது சொத்து மதிப்பு 165 கோடி ரூபாய் என கூறப்படுகிறது.
அடுத்தடுத்த இடங்களில் யார்?: நயன் தாராவுக்கு அடுத்து தமன்னா இரண்டாவது இடத்தில் இருக்கிறார். அவரது சொத்து மதிப்பு 110 கோடி ரூபாய் என கூறப்படுகிறது. தமிழில் நடிக்கும்போது கொஞ்சமே சம்பளம் வாங்கிக்கொண்டிருந்த தமன்னா ஹிந்திக்கு சென்று ஃபேமஸ் ஆன பிறகு தனது சம்பளத்தை கோடி ரூபாயில் ஃபிக்ஸ் செய்துவிட்டார். அதனால் அவருக்கு வருமானம் கொட்டுகிறது என்கின்றனர் திரைத்துறையினர்.
அதேபோல் மூன்றாவது இடத்தில் அனுஷ்கா இருக்கிறார். அவருக்கு 100 கோடி ரூபாய் சொத்து இருக்கிறது. கடந்த சில வருடங்களாக அவர் படம் எதிலும் நடிக்காவிட்டாலும் அவர் பீக்கில் இருந்தபோது சம்பாதித்த பணத்தை சரியான தொழிலில் முதலீடு செய்து இவ்வளவு சொத்து சேர்த்திருக்கிறாராம். அதேபோல் நான்காவது இடத்தில் சமந்தாவும் (89 கோடி ரூபாய் சொத்து), ஐந்தாவது இடத்தில் பூஜா ஹெக்டேவும் (50 கோடி ரூபாய் சொத்து) இருப்பதாக தகவல் வெளியாகியிருக்கிறது.
Continue with Google