"கோடீஸ்வரி என்பதால் என் மகளுக்கு லவ் டார்ச்சர் தர்றார்".. ஹீரோ மீது புகார் சொல்லும் ஹீரோயின் அம்மா!

புரொமோஷன்:

ஆனால், படத்தின் நாயகன் மற்றும் நாயகி இருவருமே புரொமோஷன் நிகழ்ச்சிகளில் பங்கேற்க வருவதில்லையாம். காரணம் காதல் பிரச்சினை என்று கூறப்படுகிறது. ஹீரோ வருவதாக இருந்தால் ஹீரோயினான தன் மகளை அனுப்ப முடியாது என கறாராக கூறி விட்டாராம் நாயகியின் அம்மா.

ஹீரோ டார்ச்சர்:

அதோடு, "தன் மகள் கோடீஸ்வரி என்பதால், தன் பெண்ணை லவ் பண்ணுகிறேன் என்ற பெயரில் லவ் டார்ச்சர் கொடுத்து வருகிறார். அதனால் பிரமோஷனுக்கு என் பெண் வர மாட்டாள்" என தயாரிப்பு தரப்பிடம் சொல்லி விட்டாராம் அவர்.

ஹீரோ பதிலடி:

இதைக் கேள்விப்பட்ட ஹீரோ, ‘கதாநாயகி வராத பட்சத்தில் நான் மட்டும் எதற்காக வரவேண்டும்?' என பதில் கேள்வி எழுப்புகிறாராம். இதனால் தயாரிப்பு தரப்பு தான் என்ன செய்வது எனத் தெரியாமல் குழப்பத்தில் இருக்கிறதாம். நாயகன், நாயகி என இருவரையும் ஒருசேர அழைக்காமல் புரமோஷன் எப்படி செய்வது என தவியாய் தவித்து வருகிறார்களாம்.

இயக்குநர் கவலை:

ஜோதிகாவின் ஜாக்பாட், கழுகு 2 என மிகப் பெரிய படங்களுடன் ரிலீசாகும் தங்களது படத்திற்கு மக்களிடம் ஆதரவு கிடைப்பதே பெரிய விசயம். இதில், இப்படி புரொமோசனுக்கு வராமல் நாயகனும், நாயகியும் முரண்டு பிடிக்கிறார்களே என கவலையில் இருக்கிறாராம் இயக்குநர் நந்தன்.