தற்போதைய ஹீரோக்கள் அழகாகவே இல்லை: மாஜி ஹீரோயின் கருத்தை ஏற்க மறுக்கும் லட்சுமி

சென்னை: தற்போது உள்ள ஹீரோக்கள் அழகாக இல்லை என்று முன்னாள் ஹீரோயின் கூறியது பற்றி நடிகை லட்சுமி கருத்து தெரிவித்துள்ளார்.

சென்னை சத்யம் சினிமாஸில் நடந்த இசை வெளியீட்டு விழா ஒன்றில் ஊமை படம் எடுக்கும் இயக்குனரின் மனைவியும், முன்னாள் ஹீரோயினுமான அந்த நடிகை கலந்து கொண்டு பேசினார். அப்போது அவர் கூறுகையில், எங்க காலத்தில் எல்லாம் நடித்த ஹீரோக்கள் ஹேண்ட்சமாக அதாவது அழகாக இருந்தார்கள். ஆனால் தற்போது உள்ள ஹீரோக்கள் ஹேண்ட்சமாகவே இல்லை என்றார்.

அஜீத் இருக்காக, விஜய் இருக்காக, விக்ரம் இருக்காக இன்னும் பல ஹீரோக்கள் எல்லாம் இருக்காக அதுவும் ஹேண்ட்சமாக இருக்காக. இது அந்த நடிகைக்கு தெரியவில்லை போன்று.

முன்னாள் ஹீரோயின் ஒருவர் இப்படி கூறியது பற்றி பழம்பெரும் நடிகை லட்சுமியிடம் கேட்கப்பட்டது. அதற்கு அவர் கூறுகையில்,

ஹேண்ட்சமாக இருப்பதை எதை வைத்து கணக்கில் எடுக்கிறார்கள் என்று தெரியவில்லை. வட இந்தியாவில் இருக்கும் ஹீரோக்கள் போன்று வெள்ளையாக, மீசை இல்லாமல் இருந்தால் இங்குள்ள ரசிகர்களுக்கு பிடிக்காது. தற்போது பல ஹீரோக்கள் வெற்றி பெற காரணமே அவர்கள் சாதாரணமாக இருப்பது தான்.

ஒரு படத்திற்கு யார் பொருத்தமாக இருப்பார்களோ அவரே ஹீரோ. அழகை மட்டும் வைத்துக் கொண்டு சினிமாவில் ஸ்கோர் செய்ய முடியாது என்றார்.