ஆண்கள் வர்ணிச்சா பரவாயில்லை... நடிகைகளே இன்னொரு நடிகையின் அழகை வர்ணிச்சா..?

'கேணி' படம்

பார்த்திபன், பசுபதி, நாசர், ரேவதி, அர்ச்சனா, அனுஹாசன், ஜெயப்ரதா என பலர் நடிக்கும் திரைப்படம் 'கேணி'. மலையாள இயக்குநர் எம்.ஏ.நிஷாத் இயக்கும் 'கிணர்' படத்தின் தமிழ் வெர்சன் தான் இந்த 'கேணி'. குடிதண்ணீர் பிரச்னையை மையமாகக் கொண்டது இந்தப் படம்.

கேணி இசை வெளியீட்டு விழா

'கேணி' படத்தின் இசை வெளியீட்டு விழா சமீபத்தில் நடைபெற்றது. படத்தில் அவருடன் நடிக்கும் ரேவதி, ரேகா, அனுஹாசன் ஆகியோருடன் சிறப்பு விருந்தினராக சுஹாசினியும் கலந்து கொண்டார்.

ஜெயப்ரதா அழகு

40 வயதைக் கடந்தவர்களைக் கேட்டால் ஜெயப்பிரதாவின் அழகைப் பற்றி உண்மையிலேயே வர்ணித்துப் பேசுவார்கள். நிகழ்ச்சியில் பேசிய 80-களின் முன்னணி ஹீரோயின்கள் பலர் ஜெயப்பிரதாவின் அழகை அளவுக்கதிகமாகவே பாராட்டிப் பேசினார்கள்.

அழகை வர்ணித்த நடிகைகள்

ஆண்கள் ஜெயப்பிரதாவின் அழகை வர்ணித்துப் பேசினால் பரவாயில்லை. ஆனால், பெண்கள், அதிலும் தமிழ் சினிமாவில் ஒரு காலத்தில் முன்னணி ஹீரோயின்களாக இருந்தவர்களே அவரது அழகைப் பற்றிப் பேசி வியக்க வைத்திருக்கிறார்கள்.

ஜெயப்ரதா

அழகான நடிகைகளே மற்றொரு சீனியர் நடிகையின் அழகைப் பாராட்டிப் பேசியது ஆச்சரியமாக இருந்தது. அவருடன் சேர்ந்து புகைப்படம் எடுத்துக் கொள்ள அனைவருமே ஆர்வம் காட்டினார்கள் என்பது குறிப்பிடத்தக்கது.