தனுஷ், வெற்றிமாறன் மீது உடனே நடவடிக்கை எடுங்கள்.. அசுரனுக்கு எதிராக இந்து மகா சபா போலீசில் புகார்!

படம் எப்படி

இந்த படத்திற்கு ஜி வி பிரகாஷ் இசை அமைத்துள்ளார். நெட்டிசன்கள் பலர் படத்தை பாராட்டி வருகிறார்கள். இந்த படம் சாதி ஒடுக்குமுறைக்கு எதிராக மிக கடுமையான வாதங்களை வைத்தது. முக்கியமாக பஞ்சமி நிலங்கள் எப்படி அபகரிக்கப்பட்டது.

எப்படி பறித்தனர்

எப்படி ஒடுக்கப்பட்ட மக்களிடம் இருந்து நிலங்கள் பறிக்கப்பட்டது என்று கடுமையான இந்த படத்தில் பேசப்பட்டது. இந்த படத்தில் ஜாதிய ஆதிக்கத்திற்கு எதிராக கடுமையான வசனங்கள் வாதங்கள் வைக்கப்பட்டு உள்ளது. இதனால் சமூக வலைதளத்தில் படம் பெரிய விவாதத்தை ஏற்படுத்தி உள்ளது.

என்ன வசனம்

இந்த நிலையில் இந்த படத்திற்கு தற்போது இந்து மகா சபா போர்க்கொடி தூக்கி உள்ளது. அகில பாரத இந்து மகா சபாவின் கரூர் மாவட்ட பொதுச்செயலாளர் மாயனூர் ராஜவேலு இது தொடர்பாக கரூர் மாவட்ட காவல் கண்காணிப்பாளரிடம் புகார் அளித்துள்ளார்.

வன்முறை

அதில், இந்த படம் வன்முறையை தூண்டுகிறது. பள்ளி மாணவர்கள் இடையே போராட்ட விதையை விதைக்கிறது. மாணவர்களை போராட்டம் செய்ய அழைக்கிறது. அரசுக்கு எதிராக புரட்சியை தூண்டுகிறது.

என்ன ஒற்றுமை

தமிழக மக்கள் இடையே இருக்கும் ஒற்றுமையை இந்த படம் குலைக்கிறது. இதில் இருக்கும் பல காட்சிகள் மிகவும் மோசமாக கொலை, அடிதடி என்று வன்முறையை தூண்டுகிறது. அதனால் நடிகர் தனுஷ், இயக்குநர் வெற்றிமாறன், தயாரிப்பாளர் தாணு ஆகியோர் மீது நடவடிக்கை எடுக்க வேண்டும் என்று இந்து மகா சபா தனது புகாரில் குறிப்பிட்டுள்ளது .