இந்துக்கடவுள்களை அவமதிக்கிறார்.. விஜய் சேதுபதி மீது இந்து மக்கள் முன்னணி சென்னை கமிஷனரிடம் புகார்!

உடை மாற்றுவது

கோவில்களில் அபிஷேகம் செய்வதை காட்டுவதையும் உடை மாற்றும் போது திரையிட்டு மறைப்பதையும் விமர்சிக்கும் வகையில், சிறுமி ஒருவர் தனது தாத்தாவிடம் கேட்டதாக ஒரு கதையை கூறினார் விஜய் சேதுபதி.

சர்ச்சையில்..

இந்நிலையில் இந்த விவகாரம் பூதாகரமாயிருக்கிறது. விஜய் சேதுபதி ஏற்கனவே ஒரு முறை மனிதனை காப்பாற்ற மனிதன் தான் வரவேண்டும் மேலிருந்து சாமி என்று ஒன்று வராது என கூறியிருந்தார். தற்போது மீண்டும் இந்துக் கடவுள்களுக்கு அபிஷேகம் செய்யப்படுவதையும் விமர்சித்து சர்ச்சையில் சிக்கியிருக்கிறார்.

அவமதித்ததாக புகார்

ஏற்கனவே இந்த விவகாரம் குறித்து விஜய் சேதுபதி மீது திருச்சி போலீஸ் கமிஷனரிடம் நேற்று இந்து மகா சபா புகார் அளித்தது. கடவுள்களுக்கு செய்யப்படும் அபிஷேகத்தையும் ஆகம விதிகளையும் அவமதித்ததாக கூறி புகார் அளித்தனர்.

இந்து மக்கள் முன்னணி

இந்நிலையில் நடிகர் விஜய் சேதுபதி மீது இந்து மக்கள் முன்னணி சென்னை போலீஸ் கமிஷனரிடம் புகார் அளித்துள்ளனர். இந்துக் கடவுள்களை அவமதிப்பதாக கூறி சென்னை போலீஸ் கமிஷனரிடம் ஆன்லைனில் இந்து மக்கள் முன்னணி சார்பில் புகார் அளிக்கப்பட்டுள்ளது.